गोरखा समाचारदाता
गोरखा – चिनियाँ राष्ट्रपती सी चिनफिङको नेपालको राजकिय भ्रमण भोली (सनिबार) देखी हुने भएको छ। उनको उच्चस्तरीय भ्रमणलाई सफल बनाउन राजधानीलाई विशेष रुपमा सजाइको छ भने तयारी पुरा भएको छ ।
विश्वकै प्रभावशाली नेताहरूको सूचीमा रहेको राष्ट्रपति सीको भ्रमणलाई नेपाल सरकारले विशेष महत्वका साथ हेरी रहेको छ । राष्ट्रपति सी २५ र २६ गते २ दिन नेपाल बस्नेछन ।
चिनियाँ राष्ट्रपतीको झन्डै २३ वर्षपछि नेपाल भ्रमण हुन लागेको हो ।
राष्ट्रपति भवन शीतल निवासमा दुवै देशका राष्ट्रपतिबीच उच्चस्तरीय भेटवार्ता हुने तय भइसकेको छ । गत वैशाखमा नेपालका राष्ट्रपति विद्यादेवी भण्डारीले चीन भ्रमणका क्रममा नेपाल भ्रमणका लागि चीनका राष्ट्रपति सीलाई नेपाल आउन औपचारिक निम्तो दिएकी थिइन ।
नेपाल भ्रमणमा रहनुहुँदा सीले नेपालका समकक्षी राष्ट्रपति भण्डारीसँग विशेष भेटवार्ता गर्ने परराष्ट्र मन्त्रालयले जनाएको छ ।
प्रधानमन्त्री केपी शर्मा ओलीले राष्ट्रपति सीसहितको उच्चस्तरीय प्रतिनिधिमण्डलसँग द्विपक्षीय भेटवार्ता गर्ने छ । भेटावार्तालगत्तै नेपाल र चीनबीच विभिन्न द्विपक्षीय सम्झौता र समझदारीपत्रमा हस्ताक्षर हुने कार्यक्रम तय गरीएको छ ।
राष्ट्रपति सीसँग नेपालका विभिन्न राजनीतिक दलका शीर्ष नेताहरूले पनि शिष्टाचार भेट गर्ने कार्यक्रम तय गरीएको छ ।