गोरखा समाचारदाता
गोरखा – धनुषाको झिटकैयामा जेठानी र देबरानीबीच भएको छुरा हानाहानमा देवरानीको ज्यान गएको छ ।
घटनामा परी औरही नगरपालिका–१, झिटकैया सुनौल राइन र सहानी खातुनबीच भएको विवाद छुरा प्रहार हुदा सहानीको ज्यान गएको धनुषा प्रहरीले जानकारी दिएको छ ।
सोमबार राति दुबैबीच घरायसी विवाद भएको थियो । सोही क्रममा जेठानी सुनौलले देवरानी सहानीको शरीरमा अन्धाधुन्ध छुरा प्रहार गरेको जिल्ला प्रहरी कार्यालय धनुषाले जानकारी दिएको हो ।
सहानीमाथि छुरा प्रहार गरेर सुनौलले आफ्नो पेटमा समेत छुरा प्रहार गरेकी थिइन् । उनले आत्महत्या गर्ने प्रयास गरेको आशंका गरिएको छ ।
छुरा प्रहारबाट घाइते भएकी जेठानी–देवरानीलाई उपचारका लागि जनकपुरस्थित काव्या हस्पिटलमा लगिएको थियो । उपचारकै क्रममा सहानीको मृत्यु थियो ।
छुरा प्रहारबाट घाइते भएकी सुनौलको जनकपुर अञ्चल अस्पतालमा उपचार भइरहेको छ ।