गोरखा समाचारदाता
गोरखा – आज विजयादशमी । हिन्दु धर्मावलम्बीहरुको महान् पर्व विजयादशमी मान्यजनका हातबाट नवदुर्गाको प्रसादका रुपमा रातो टीका र समृद्धिको प्रतीक जमरा लगाएर मनाइँदैछ ।
नेपाल पञ्चाङ्ग निर्णायक समितिले देवी विसर्जनको साइत बिहान ८ः४५ बजे रहेकोले टीका प्रसाद ग्रहण गर्न साइत खोज्नेहरुका लागि भने बिहान १०ः३५ बजे उत्तम रहेको जनाएको छ ।
देवी विर्सजन ८ः४५ बजे भएका कारण सोही समय देखी टिका ग्रहण गर्दा पनि केही फरक नपर्ने समितीको ठहर छ ।
विजयादशमी आफैंँमा शुभ दिन भएकाले मंगलबार टीका लगाउन सामान्य मानिसले साइत खोज्नु नपर्ने पनि समितिले जानकारी दिएको छ ।
मङ्गलबार चन्द्रमा मकर राशिमा रहेकाले टीका लगाइने मानिस पूर्व फर्कनुपर्छ ।
टीका लगाइदिनेले भने पश्चिम फर्केर बस्नुपर्ने शास्त्रीय मान्यता छ । चन्द्रमालाई दाहिने र सम्मुख पार्दा शुभ हुने विश्वास गरीदै आएको छ ।
