गोरखा समाचारदाता
गोरखा – अर्घाखाँचीमा आज जीप दुर्घटना हुदा ३ जनाको मृत्यु भएको छ भने ६ जना घाईते भएका छन ।
जिल्लाको सन्धिखर्क नगरपालिका ६ को रातामाटामा कपिलवस्तुको कृष्णनगरबाट सन्धिखर्क जादै गरेको लु. १ ज ४३२९ नम्वरकोे जीप दुर्घटना हुँदा ३ जनाको घटनास्थलमै मृत्यु भएको छ भने ६ जना घाईते भएको प्रहरी कार्यालय अर्घाखाचीले जानकारी दिएको छ ।
दुर्घटनामा परी मृत्यू हुनेमा भूमिकास्थान नगरपालिका वडा २ ढाकावाङ्ग घर भई हाल लमही नगरपालिका वडा ५ दाङ्ग वस्ने वर्ष ५१ का घनश्याम खनाल र उहाँकी श्रीमति श्यामकला खनाल र १ जना सनाखत हुन नसकेका पुरूषको मृत्यु भएको छ ।
दुर्घटनामा भूमिकास्थान नगरपालिका १० धनचौरकी सिमा रेग्मी, भूमिकास्थान नगरपालिका १० धनचौरका उमेश रेग्मी र उनका छोरा आदित्य रेग्मी, लमही ५ दाङ्गकाकी अनिता खनाल, बुद्धभूमि नगरपालिका २ गोरुसिङ्गेका चालक विरेन्द्र श्रेष्ठ, लमही नगरपालिका ५ दाङ्गकी विन्दु खनाल घाईते भएका छन ।