कैलासबावु श्रेष्ठ
गोरखा – ऐतिहासिक गोरखा दरबारमा फूलपाती भित्राउने काम सम्पन्न भएको छ । साईत अनुसार दरबारमा रहेको दशै घरमा फूलपाती भित्राईएको थियो ।
आजै गोरखा दरबारबाट फूलपाती काठमाडौंको हनुमानढोका दरबारको दशैंघरमा समेत पठाइएको थियो । ऐतिहासिक तथा धार्मिक परम्पराअनुसार गोरखाको गोरखकाली मन्दिरमा तयार गरिएको फूलपाती हनुमानढोका दरबारमा भित्राउने परम्परा छ।
गोरखा दरबारस्थित गोरखकाली मन्दिरका पुजारी, कलशेनी, मंगलेनी, भित्रिया सुसारेहरुले फूलपाती तयार गर्छन् ।
फूलपातीस्वरूप केराको पात, उखुको बोट, अदुवाको बोट, बेलपत्र, धानको वाला, करीको फूल र मौषमी फूलका थुँगाहरू दुर्गापूजा गरेको स्थानमा भित्राइन्छ ।
नौ प्रजातीका पातमा क्रमशः ब्रहृमाणी, रक्तचण्डिका, लक्ष्मी, दुर्गा, चामुण्डा, कालिका, शिवा, शोकहारिणी र कार्तिकी देवीलाई एक÷एक गरी आव्हान गरेर सोह्र सामग्रीले पुजिन्छ । यसलाई नवपत्रिका पनि भनिन्छ ।
सप्तमीका दिन विशेषगरी महासरस्वती तथा पुस्तक, कापी, कलम अनि मसीदानी आदिको पनि पूजा गरिन्छ । किसानहरूले सप्तमीकै दिन खेतमा गई चन्दन, अक्षता र फूलले धानको पूजा गरी धानका बाला र बोट घरमा भित्राउने गर्छन् ।
गोरखा दरबार हेर चाह अडका सूचना अधिकारी रामेश्वर कट्टेलका अनुसार वडा दसैंको सातौ दिन (आज) ४ वटा बोका बली दिने चलन रहेको बताए ।
