गोरखा समाचारदाता
गोरखा – गोरखा सदरमुकाममा आईतबार अनौठो दृष्य देखियो । ट्राफिक प्रहरी सवारी रोक्दै थियो । सुरक्षा निकायका प्रमुख तथा मेयर र उप मेयरले चालकलाई फुल र माला लगाउदै थियो ।
सुरुमा यस्ता दृष्य देख्ने जो कोही पनि झुक्कीए । समुदाय–साझेदारी कार्यक्रम अन्तरर्गत सदरमुकामको लोकतान्त्रिक चोकमा यात्रु सहायता कक्ष सञ्चालनका साथै दुर्घटना कम गराउन र चालकलाई जिम्मेवार बनाउन त्यस्तो गरीएको थियो ।
पहिलो पटक सुरक्षा निकाय र मेयर तथा उप मेयरबाट फुल र माला पाउदा चालक भने खुशी नै देखिएको थियो । त्यस्तै गरी सार्वजनिक सवारीमा यात्रा गरी रहेका यात्रुहरुलाई पनि सफल यात्राको कामना गर्दै फुलको गुच्छा दिईएको थियो ।
