गोरखा समाचारदाता
गोरखा – गोरखाको लिगलिगमा असोज १६ गते छानिने १ दिने छानिने राजा बर्ष भरी सदभावना दुत हुने भएका छन ।
दौडको आयोजक मध्ये पालुङटार नगरपालिकाका मेयर ई.दिपकबावु कडेलले पत्रकार सम्मेलनमा जानकारी दिदै दौडको दिनमा उनलाई राजा धोषणा गरी पछि बर्ष दिन भरी लिगलिग प्रचारका लागि बिजेतालाई सदभावना दुत घोषणा गरीने बताए ।
यस पटक हुने दशौं स्करणको दौडको तयारी पुरा भएको जानकारी दिने गरी आयोजना गरीएको पत्रकार सम्मेलनमा आयोजक मध्येको लिगलिग कोट विकास अभियानकका अध्यक्षले बिक्रम सम्बत १६०४ साल देखी गोरखाको लिगलिगमा विश्वकै प्रजातान्त्रिक विधी अन्तरर्गत चेपे देखी लिगलिग सम्म दौडेर जित्नेले १ बर्ष सम्म राजा हुन पाउने ईतिहासको बारेका जानकारी गराएको थियो ।
पालुङ्टार नगरपालिका, नेपाली सेनाको रणसिंह दल गण र लिगलिगकोट विकास अभियानको संयुक्त आयोजनामा हुने खुला दौडमा प्रथम हुनेलाई नगद ६० हजार १०० सहित श्रीपेच पहिराएर राजा घोषित गरीने छ ।
नेपालको उत्पत्ति भएको स्थान लिगलिगेकोट दौड जितेर राजा भएको परम्परालाई बचाइ राख्न बर्षैपिच्छे प्रतियोगिता हुदै आएको छ । चेप नदिको किनारबाट सुरु हुने दौड ठाँटीपोखरी, बडडाँडा, सभाचौतारा, बिजुलेडाडाँ, खोल्डीगाउँ हुँदै ऐतिहासिक स्थल लिगलिग कोटको कोटगढीमा पुगेर सम्पन्न हुने चलन छ ।
१३ किलोमिटर ८०० मिटर दुरीको दौड पुरा गर्नेलाई एकरात लिगलिगमै राखेर बजार परिक्रमा समेत गराइने छ । दौडमा दोस्रो हुनेलाई नगद ३५ हजार १००, तेस्रो हुनेलाई २५ हजार १००, चौँथोलाई १५ हजार १००, र पाँचौँ हुनेलाई १० हजार १०० नगद प्रदान गरिने आयोजक मध्ये नेपाली सेनाका रणसिंह दलका गणपति उज्वल केसीले पत्रकार सम्मेलनमा जानकारी दिए । नगद पुरस्कार सबै सेनाले नै दिने समेत जानकारी दिईएको थियो ।
फरक फरक बिधामा हुने दौड अन्तरर्गत चेपे देखी लिगलिग सम्मको खुल्ला दौड र बडडाडाँ देखी लिगगिल सम्मको महिला खुल्ला दौड समेत हुने छ । प्रतियोगितामा २९ लाख २० हजार रुपैया खर्च हुने अनुमान गरीएको छ ।
बिसं १९१६ सालमा द्रब्यशाह राजा बनेपछि हुन छाडेको दौड विगत दश वर्ष देखि स्थानियको पहलमा हरेक वर्ष सञ्चालन हुँदै आएको हो । सुरुमा केही स्थानीयको पहलमा सुरु भएको लिगलिगे दौडले राष्ट्रिय मान्यता समेत हासिल गरेको छ । अहिले दौड प्रतियोगिताका लागि राष्ट्रिय खेलकुद बिकास समितिले ५ लाख, पर्यटन बोर्डले ५ लाख साथै पालुंटार नगरपालिकाले १३ लाख रुपैया आर्थिक सहयोग गरेको छ ।
कस कसले जित्यो त प्रतियोगितामा
२०६७ भूमिराज राइ–इलाम
२०६८ हरिप्रसाद रिमाल–धादिङ
२०६९ समीर तामाङ–रामेछाप
२०७० कृष्णबहादुर बस्नेत–रामेछाप
२०७१ अनिष थापा मगर–पर्वत
२०७२ हरिप्रसाद रिमाल–धादिङ
२०७३ अनिष थापा मगर–पर्वत
२०७४ खगेन्द्रबहादुर भाट
२०७५ अनिष थापा मगर–पर्वत