गोरखा समाचारदाता
गोरखा – ऐतिहासिक गोरखा दरर्बार र मनमकामना मन्दिरमा साईत अनुसार बिहान १०ः३५ बजे जमरा राख्ने काम सम्पन्न भएको छ ।
परम्परा अनुसार गोरखा दरर्बारको कालीका मन्दिर, गोरखनाथ गुफा र मनकामना मन्दिरमा जमरा राख्ने काम सम्पन्न भएको हो । तान्त्रिक बिधी अनुसार गोरखाको गोरखाकाली मन्दिरमा ४ पाथी र गोरखनाथ गुफामा १ पाथी जौ को जमरा राखिएको गोरखा दरर्बारका मुल पूजारी प्रदिपनाथ योगीले बताए ।
त्यस्तै गरी गोरखाकै मनकामना मन्दिरमा भने मक र जौ को छुट्टा छुट्टै जमरा राखिएको छ । मन्दिरको पराम्परा अनुसार बिगत देखी नै छुट्टा छुट्टै जमरा राख्नुपर्ने भएका कारण सोही अनुसारको नित्य पूजा गरी जमरा राखिएको मन्दिरका मुल पुजारी ईन्सान बहादुर थापाले बताए । गणेश र कलश स्थापना गरी दुवै स्थानमा जमरा राखिएको हो ।
गोरखा दरर्बारमा जमरा राख्नु पूर्व देवीको सवारी चलाउने परम्परा अनुसार बिहान ५ बजेर २५ मिनेटमा देवीको सवारी चलाइएको थियो । स्थानिय पराम्परा अनुसार भुतभुते उज्यालोमा देवीको सवारी गरीएको थियो ।
विगतमा गोरखा दरर्बारको उपल्लो भागमा रहेको कैलास भवनबाट काली भवगतीलाई गोरखकाली मन्दिरको गर्भ गृहमा सवारी चलाउने परम्परा भएता पनि यस पटक पनि भूकम्पले क्षेति पुरयाएको दरर्बारको जिर्णोद्वार सुरु गरीएकोले कालीको मन्दिरको माथिल्लो भागबाट गर्भ गृहमा सवारी चलाइएको गोरखा दरर्बार हेरचाह अडका सूचना अधिकारी रामेश्वर कट्टेलले बताए ।
हर्ष बढाईका साथ काली भगवतीलाई गर्भ गृहमा प्रवेश गराउदा जिल्लाका सुरक्षा निकाय प्रमुख एव सरकारी कार्यालय प्रमुखहरुको उपस्थिती रहेको थियो ।
गोरखा दरर्बारमा आजै देखी बिशेष पूजा र बलि दिने प्रचलन रही आएको छ । आज देखी षष्टी सम्म भगवतीको नाममा दैनिक १÷१ वटा बोकाको बली दिने गरिन्छ । सप्तमी देखी भने बली धेरै दिइन्छ ।
सूचना अधिकारी कट्टेलका अनुसार वडा दसैंको छौठौ दिन ३२ बोका, १२ भेडा, ५ संगुर र १५ रागाँको बली दिइन्छ । त्यस्तै गरी सातौ दिनमा ४ वटा बोका र आठौ दिनमा ५ रागाँ, ६ भेडा र ८ बोकाको बली दिने चलन रहेको बताए ।
बली दिने क्रम दशमी सम्म चल्ने गर्दछ । नवमी का दिनमा १ सतार सहित ६ रागाँ र ८ बोकाको बली भगवतीको नाममा दिइन्छ । त्यस्तै गरी दशमीको दिनमा भने १ बोका बलि दिने सूचना अधिकारी कट्टलले बताए ।