गोरखा समाचारदाता

गोरखा – बैंकको सफ्टवेर ह्याक गरेर रकम निकालिएको घटनामा सङलग्न एजेण्टलाई महानगरीय अपराध नियन्त्रण महाशाखाको टोलीले बिहीबार दिउँसो स्याङ्जाको वालिङबाट पक्राउ नियन्त्रणमा लिएको छ ।

कृषि विकास बैंकको सफ्टवेर ह्याक गरेर रकम निकालिएको घटनामा ११ जना सङ्लग्न रहेको अनुमान गरीएको छ । प्रहरीले रामकृण्ण भूषाल सहिति ६ जनालाई नियन्त्रणमा लिई सकेको छ । अझै ५ जना फरार रहेको महाशाखाका प्रहरी वरिष्ठ उपरीक्षक सहकुलबहादुर थापाले जानकारी दिए । पक्राउपर्नेमा प्रतिक्षा निर्माण सेवाका प्रोपाइटर रामकृष्ण भुषाल रहेको प्रहरीले पुष्टी गरेको छ ।

उनलाई स्याङ्जा प्रहरीको सहयोगमा पक्राउ गरिएको हो। उनको बैँक खातामा ६५ लाख जम्मा भएको छ ।

प्रहरीका अनुसार उनीहरुले कृषि विकास बैंकबाट सफ्टवेयर ह्याक गरी ४ करोड ७३ लाख ९६ हजार विभिन्न व्यक्तिको नाममा पैसा पठाएका थिए । त्यसमध्ये १० लाख हुण्डीमार्फत विदेशी ह्याकरलाई पैसा पठाए पनि अन्य पैसा लैजान नपाएको प्रहरीले जनाएको छ । प्रहरीले अहिले सम्म ६० लाख बरामद गरिसकेको छ ।

यसका मुख्य योजनाकार अफ्रिकीमूलका पिटर रहेको र उनले भारतमा बसेर योजना बनाई नेपाली एजेण्टलाई प्रयोग गरेका थिए । उनले रु पाँच अर्ब निकाल्ने योजना बनाएको खुल्न आएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए