गोरखा समाचारदाता
गोरखा – भाडाँमा यात्रु बोके पछि ३ वटा निजी सवारीलाई ट्राफिक प्रहरीले नियन्त्रणमा लिएको छ ।
ग्रामिण सडकबाट गोरखा सदरमुकाम तर्फ आउदै गरेको उत्त सवारीलाई जिल्ला ट्राफिक प्रहरी कार्यालय गोरखाले नियन्त्रणमा लिएको ट्राफिक टिका शर्माले बताए ।
निजी नम्बरका सवारी साधनले भाडाँमा यात्रु बोेक्ने गरेको ब्यापक जनगुनासो पछि मंगलबार कार्यालयले क्यूआरटी खटाएर चेक जाँच गर्दा ग.२ च ७६१८, बा.१८ च ४७८६ र बा. १४ च ६०७३ नम्बरको निजी कारले भाडाँमा यात्रु बोकी सदरमुकाम तर्फ आउदै गर्दा नियन्त्रणमा लिएको हो ।
नियन्त्रणमा लिएको सवै सवारी जिल्ला प्रहरी कार्यालयको परिषरमा राखिएको छ ।
मंगलबार विभिन्न क्षेत्रबाट नियन्त्रणमा लिएको सवारीलाई यस अघि पनि कार्यालयले जरिवाना गरी सचेत गराएको थियो । सचेत गराउदा पनि अटेर गरी भाडाँमा यात्रु बोकेको भन्दै ट्राफिक प्रहरीले नियन्त्रणमा लिएको थियो ।
नियन्त्रणमा लिएको सबै सवारीलाई आजै यातायात कार्यालय पोखरामा आवश्यक कारवाहीको लागि पठाइएको छ ।
कार्यालयले दिएको जानकारी अनुसार प्रति सवारी गंभिरता हेरी २ हजार देखी ५ हजार सम्म जरिवाना हुने र जरिवाना तिरेको प्रमाण ल्याए पछि आगामी दिनमा त्यस्तो गल्ती नगर्ने शर्तमा सवारी धनीलाई जिम्मा लगाईने छ ।