गोरखा समाचारदाता
गोरखा – पोखरामा पौडी खेल्ने क्रममा १ जना महिलाको ज्यान गएको छ ।
पोखरा महानगरपालिका २२ खाल्से चिसापानी स्थित फुस्रेखोलामा रहेको रहमा पौडी खेल्ने क्रममा काभ्रेपलाञ्चोक धुलिखेल नगरपालिका घर भएकी २५ बर्षिया अनु भण्डारीको ज्यान गएको कास्की प्रहरीले जानकारी दिएको छ ।
साथी भावना बस्नेत संगै पौडी खेल्ने क्रममा दुवै जना रहमा डुवेको खबर प्रहरीले पाउना साथ उद्वार गर्दा भण्डारीको ज्यान गएको थियो भने बस्नेतलाई जिवितै उद्वार गर्न सफल भएकोले उनको अहिले विरौटा स्थित नेपाल अस्पतालमा उपचार भई रहेको प्रहरी कार्यालयले जानकारी दिएको छ ।
दुवै जना पोखरा घुम्न आएको प्रहरीले बताएको छ ।