गोरखा समाचारदाता
गोरखा – नवलपुर जिल्लामा भएको छुट्टाछुट्टै सवारी दुर्घटनामा परी ६ जनाले ज्यान गुमाएका छन भने २० जना घाईते भएका छन ।
सोमबार राती र मंगलबार बिहान भएको घटना परी ६ जनाले ज्यान गुमाएको र २० जना भन्दा बढी घाईते भएको नवलपुर प्रहरीले जानकारी दिएको छ ।
सोमबार राती १० बजे कावासोतीको खरकट्टा क्षेत्रमा कावासोती देखी नारारयणगढ तर्फ जादै गरेको लु.१ ख ८५३२ नम्वरको ट्रक र बिपरीत दिशाबाट आउँदै गरेको बा. २१ च ६४०९ नम्वरको कार कावासोती ८ को खरकट्टा जंगलमा एक आपसमा ठोक्किदा कारमा सवार ५ जनाको ज्यान गएको हो ।
ज्यान गुमाउनेहरुमा देबचुली नगरपालिकाका डिलबहादुर ढेंगा, तेजु मगर र पुर्णबहादुर बिकको सनाखत भएको छ भने बाँकी २ जनाको सनाखत हुन सकेको छैन ।
गए राती नै दाङबाट काडमाण्डौ जाँदै गरेको ना.७ ख ८६४२ बस अरूणखोलामा दुर्घटना हुदा मकवानपुर हेटौडा घर भएका चालक लक्ष्मण तिमिल्सिनाको उपचारका क्रममा पुरानो मेडिकल कलेज भरतपुरमा ज्यान गएको थियो । सोही घटनामा परी १५ जना यात्रुको बिभिन्न अस्पतालमा उपचार भैरहेको प्रहरीले जनाएको छ ।
मगंलबार बिहानै चोरमारामा ना. ४ ख ९५१० नम्वरको बस सुर्खेतवाट बिरगंज जादै गर्दा अनियन्त्रित भई पल्टदा बसमा सवार ५ जना घाईते भएका छन ।