गोरखा समाचारदाता

गोरखा – पर्वतको फलेबासमा पानी जमेको खाड्लमा डुबेर डेढ बर्षिय बालकको मृत्यु भएको छ ।

फलेबास नगरपालिका १० को कुर्घा निवासी प्रिती नेपालीको डेढ बर्षिय छोरा रेगम नेपालीको सोमबार घर नजिकै रहेको पानीको खाडलमा डुब्दा मृत्यु भएको जिल्ला प्रहरी कार्यालय पर्वतले जानकारी दिएको छ ।

कार्यालयले दिएको जानकारी अनुसार घर नजिकै रहेको गोबर ग्याँसको ओभरफ्लोमा जमेको पानीमा डुब्दा बालकको ज्यान गएको थियो । बालक खाडलमा डुबेर तैरी रहेको अवस्थामा आफन्तले देखे पछि परिवारलाई खबर गरीएको थियो ।

बालकलाई तत्कालै उद्वार गरी फलेबासमा रहेको धुलिखेल अस्पतालमा उपचार गर्न लादा चिकित्सकहरुले मृत्त घोषित गरेका थिए । घटनाको बिषयमा प्रहरीले अनुसन्धान गरी रहेको बताएको छ ।

छतबाट खस्दा महिला घाईते

यता पोखरामा सोमबार दिउसो छत बाट खस्दा एक महिला घाईते भएकी छिन । म्याग्दी मंगला गाउँपालिका ४ बुगेनी घर भई पोखरा महानगरपालिका २५ हेम्जा बस्ने २६ बर्षिया अर्पना रोक्का घरको छतबाट खसेर घाईते भएकी हुन ।

घटना लगत्तै रोक्कालाई स्थानियले उद्वार गरी पोखराको फिस्टेल अस्पतालमा उपचार भई रहेको गण्डकी प्रदेश प्रहरी कार्यालयल पोखराका सूचना अधिकारी कृण्णबहादुर कार्कीले जानकारी दिए । घटनाको बिषयमा थप अनुसन्धान भई रहेको कार्कीले बताए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए