गोरखा समाचारदाता
गोरखा – गोरखाको पालुङटार नगरपालिका निवासी अपाङ्गता भएकी महिलालाई बलत्कार गरेको आरोपमा १ जना रोल्पाका यूवक पक्राउ परेको छ ।
जिल्ला प्रहरी कार्यालय गोरखाले दिएको जानकारी अनुसार २१ बर्षिया युवतीलाइ बलत्कार गरेको आरोपमा रोल्पा नगरपालिका–९ घर भई हाल गोरखा पालुङटार निवासी ४० बर्षिय धनबहादुर पुन मगरलाई प्रहरीले पक्राउ गरेको हो ।
मगरले बिहीवार कम्मर भन्दा मुनिको भाग नचल्ने पालुङटार नगरपालिका–७ च्याङलीकी युवतीलाई घरमै बलत्कार गरेको भन्दै पिडितको बुवाले जायरी दिएको जिल्ला प्रहरी कार्यालय गोरखाका सूचना अधिकारी प्रहरी निरिक्षक कमला नरालले बताईन ।
स्थानिय भट्टीमा सँगै रक्सी पिएर मगरलाइ पीडितका बुवाले घरमा खाना खान लगेका थिए । प्रनि नरालले दिएको जानकारी अनुसार खाना खाएर बुवा सुतेको मौका छोपेर मगरले युवतीलाइ बलत्कार गरेका थिए ।
छोरी रोएको आवाज सुनेर व्युझिएका पिडिक बुवाले बलत्कार भएको थाहा पाए पछि तत्कालै प्रहरीलाई खबर गरेका थिए ।
बिहीवार पक्राउ परेका मगरलाइ आइतवार जबरजस्ती करणी उद्योग अन्तरर्गत मुद्धा दर्ता गरी आईतबार १० दिनको म्याद थपेर थप अनुसन्धानको प्रक्रिया अगाडी बढाइएको प्रहरी निरिक्षक नरालले बताइन् ।