गोरखा समाचारदाता
गोरखा – लगातारको झरीले सडक भासिदा यातायात ठप्प भएको छ । लुँइटेल भञ्जाङ-आँपिपल-हर्मी भच्चेक सडकको बोहोरा गाउँ खण्डमा सडक भासिएर पिच नै ५० मिटर तलपुगेको छ । ‘गाडी नचलेको धेरै दिनभइसक्यो’ हर्मीका स्थानीय रमित ढकालले भने ‘बनाउने काम पनि प्रभावकारी भएको छैन्, हामी त मर्कामा परेका छौं ।
उक्त सडक भुकम्प सहायता आयोजना अन्र्तगत एसियाली बिकास बैक एडिबीको सहयोगमा केही समय अघि कालोपत्रे भएको हो । लामो समय कच्ची सडकमा यात्रा गरेका सर्वसाधरणहरु अहिले सडक कालोपत्रे भए पनि पहिरोका कारण सवारी सञ्चालन हुन नसक्दा हिडेर गन्तव्यमा जान बाध्य छन् ।
‘नालीलाई च्यापेर गाडी पास गराउने अबस्था छ तर ठेकेदारले चलाउन दिएको छैन’ सो क्षेत्रका व्यापारी रहेका आँपपिपलका स्थानीय राजुकुमार श्रेष्ठले भने ‘गोदामको सामान पनि सकियो, ग्राहकलाई रित्तो हात फर्काउनु पर्ने अबस्था आइसकेको छ ।’ सवारी सञ्चालन नहुँदा कुखुरा पालक कृषकहरु बढि मर्कामा परेका छन् । दानाको ढुवानी बन्द हुँदा कुखुरा खोरैमा मर्ने अबस्था सिर्जना भएको उनले बताए । त्यो आँपपिपल अस्पतालको एम्बुलेन्स र बिरामीका लागि बस सञ्चालनमा पनि समस्या भएको छ ।
सडक भत्किएको लामो समय सम्म मर्मतको प्रयास नभएको स्थानीयले गुनासो गरेका छन् । भत्किएको सडकको तस्बिर सामाजिक सञ्जालमा राखेर मर्मतका लागि दबाब दिइरहेका छन् । मर्मतका लागि पालुङ्टार नगरपालिका, उक्त सडकको निर्माण कर्ता र सरोकारवाला निकायले चासो नदिएको उनीहरुको भनाई छ ।
अहिले सम्म काम सुरु नभएकाले दशैमा सम्म सकिने सम्भावना नरहेको धेरैको अनुमान छ । ‘अब त सडक पिचभयो दशैमा गाडी चढेर घर जान पाइने भयो भनेको त यस पालीपनि उस्तै’ सुजन अधिकारीले फेसबुकमा लेखेका छन् ‘मर्मतका लागि नगरपालिकाले चासो दिनु परयो ।’ यतापालुङ्टार नगरपालिकाले भने अब साता भित्र भत्किएको सडक मर्मत गरी सुचारु गर्ने दाबी गरेको छ ।
‘अहिले ग्याबिन भर्ने काम भइरहेको छ, झरीले गर्दा कामगर्न समस्या भएको छ’ इन्जिनियर अनुप देबकोटाले भने ‘एक साता भित्र काम कम्पिड हुन्छ ।’ दशै अघि काम सम्पन्न गर्ने गरी रातदिन काम गरिएको उनको भनाई छ । उक्त सडक एसियाली बिकास बैंकको सहयोगमा अमर जेभी कस्ट्रक्सनले निर्माण गरेको हो ।
सोही सडकको तार्के डाडा खण्डमा पनि ठूलो पहिरो जाँदा बारम्बार यातायात प्रभावित हुँदै आइरहेको छ ।
तस्बिर गुगल