गोरखा समाचारदाता
गोरखा – पूर्व प्रधानमन्त्री पुष्पकमल दाहाल र डा.बाबुराम भट्टराई भूमिगत जीवनबाट पहिलो पटक सार्वजनिक भएको मनहरीमा ‘ट्रि हाउस’ निर्माण हुदै छ ।
पर्यटकीय हिसावले विकास गर्ने गरी मकवानपुरको मनहरी गाउँपालिका वडा नं १ स्थित भोर्लेटाँडीस्थित आँपबगैचामा ‘ट्रि हाउस’ निर्माण गरीएको हो ।
स्थानिय युवाहरुको सक्रियतामा रुखमा नै कटेज निर्माण गरी पर्यटन पार्क बनाउन लागिएको हो । ट्रि हाउस निर्माणका लागि ५ लाख रुपियाँ बजेट बिनियोजन भएको मनहरी गाउँपालिका अध्यक्ष एकराज उप्रेतीले बताए ।
हेटौँडाबाट १३ किलोमिटर दक्षिणतर्फ रहेको चुरेक्षेत्रमा पर्ने आँप बगैचा ४८ बिगाह क्षेत्रमा फैलिएको छ । सोही बगैचामा तत्कालीन नेकपा माओवादीका अध्यक्ष दाहाल र पूर्व प्रधानमन्त्रि डा.भट्टराई र बर्तमान उपराष्ट्रपति नन्दकिशोर पुन सहितका नेताहरू सार्बजनिक भएका थिए ।
तात्कालिन अवस्थामा जनमुक्ति सेनाको नियन्त्रणमा रहेर आँप बगैचामा दाहालसहितका नेताहरुले २२ दिन बसेर काठमाडौँमा सार्बजनिक हुनका लागि आन्तरिक तयारीसहित नजिकका विद्यालय तथा सार्बजनिक स्थलहरुमा पुगी सम्बोधन गरेका थिए ।
२०६२ सालमा तत्कालीन शीर्ष नेताहरू उत्त स्थानमा पहिलो पटक सार्वजनिक भएका थिए ।