गोरखा समाचारदाता
गोरखा – गण्डकी प्रदेशका भूमि व्यवस्था, कृषि तथा सहकारी मन्त्री लेखबहादुर थापामगरले नेपाली जनताको ठूलो वलिदानीबाट प्राप्त संविधान कार्यान्वयनसंगै मुलुकले समृद्धि प्राप्त गर्ने बताए ।
पोखरा महानगरपालिका वडा नं. १७ सितापाईला स्थित पोखरा वृद्धाश्रममा आश्रित जोष्ठ नागरिकलाई फलफुल वितरण कार्यक्रममा बोल्दै उहाँले संविधानले सवैको हक र अधिकारलाई सुचिश्चित गरेको बताए ।
मानव सेवा जस्तो धर्म अरु कुनैपनि नभएको उल्लेख गर्दै उनले समाजका असहाय जेष्ठ नागरिक, विपन्न वर्गका बाल बालिको क्षेत्रमा संलग्न विभिन्न संघ संस्थाका लागि प्रदेश सरकारको सहयोग रहने पनि जानकारी दिए ।
वृद्धाश्रममा आश्रित आमावुवालाई उत्पादनसंग जोड्नु पर्ने आवश्यकता औंल्याउँदै मन्त्री थापामगरले त्यसका लागि मन्त्रालयले आवश्यक सहयोग गर्ने बचन दिए ।
कार्यक्रममा पोखरा वृद्धाश्रमका अध्यक्ष वसन्त केशव पराजुली, भूमि व्यवस्था, कृषि तथा सहकारी मन्त्रालयका सचिव अच्यूत प्रसाद ढकाल, वृद्धाश्रमका उपाध्यक्ष कुसुमकेशव पराजुली, मन्त्रालयका उपसचिव बद्रीनाथ अधिकारी लगायतले आफ्नो धारणा राखेको थिए ।
