गोरखा समाचारदाता
गोरखा – संखुवासभाको अरुण नदीमा वेपत्ता भएकाहरुको खोजीका लागि आज (बिहीबार) गोताखोरहरुको एक टोली घटना स्थल पुगेको छ ।
सदरमुकाम खाँदबारी बाट बिरामी बोकेर धरानतर्फ जाँदै गर्दा मंगलबार राती अरुण नदीको खसेको थियो ।
धर्मदेवी नगरपालिका–८ मा पर्ने अक्करको भीरबाट राती १०ः३० बजे अरुण नदीमा खसेको उत्त जिपमा खाँदबारी ९ का २ महिने बालक समिर श्रेष्ठ, उनका बुबा संगम श्रेष्ठ, आमा सदीक्षा श्रेष्ठ बेपत्ता छन भने प्रमिस थापामगर, खवरमान मगर र चालक समेत बेपत्ता छन्।
मौषम प्रतिकुल भएका कारण उनीहरुको खोजीमा गर्न गारो भएको थियो । आजै उनीहरुको खोजतलासका लागि ११ः५५ बजे नेपाली सेनाको हेलीद्धारा काठमाडौमा रहेको शसत्र प्रहरीको २० नम्बर बिपद् उद्दार उपत्यका गण बाट २ जना गोताखोर र २ जना डिजास्टर मेनेजमेन्ट सहित जम्मा ४ जनाको टोली घटना स्थल पुगेको हो । उत्त टोलीले तत्कालै वेपत्ताको खोजी गर्न शुरु गर्ने छ ।