गोरखा समाचारदाता

गोरखा – गोरखा जिल्ला भित्र सञ्चालनमा आएको ट्याक्सी चालकलाई एक कार्यक्रम बिच पोशाक वितरण गरिएको छ ।

समुदाय–प्रहरी साझेदारी कार्यक्रम अन्तरर्गत गोरखा मनकामना यातायात सेवा प्रा.लि.को आयोजना जना जिल्ला प्रहरी कार्यालय र ट्राफिक प्रहरी कार्यालय गोरखाको समन्वयमा भएको ‘ट्राफिक नियम बिषयक एक दिने अन्तरक्रिया तथा चालक चिनार सम्वन्धी ज्याकेट वितरण कार्यक्रम’मा गण्डकी प्रदेश ट्राफिक प्रहरी कार्यालयका प्रमुख प्रहरी उपरीक्षक बिनोद घिमिरेले चालकहरुलाई पोशाक बितरण गरेका हुन ।

कार्यक्रमका प्रमुख अतिथी समेत रहेका घिमिरेले पेशाकले चालक र व्यवसायलाई अनुशासित तथा मर्यादित बनाउने बताए । जिल्ला भित्र सञ्चालित ८० ट्याक्सी चालकलाई पोशाक दिदै प्रमुख अतिथी घिमिरेले नेपाल सरकार तथा यातायात व्यवस्था विभागले चालकहरुलाई सवारी चलाउदा पोशाक अनिवार्य गराएको बताए ।

कार्यक्रममा उनले ट्राफिक प्रहरीले अब बोलीमा सुधार ल्याउने पर्ने र कतब्र्य निर्वाहमा कुनै कसर बाँकी नराख्न गोरखाका ट्राफिक प्रहरीलाई निर्देशन समेत दिए ।

कार्यक्रममा जिल्ला प्रहरी कार्यालय गोरखाकी प्रहरी निरीक्षक कमला नराल, नेपाल पत्रकार महासंघ गोरखा शाखाका अध्यक्ष किशोरजंग थापा, गण्डकी प्रदेश स्वतन्त्र मजुदुर यातायात संगठनका शिक्षा सचिव डिल्लीराम भट्ट, नेपाल यातायात मजुदर संगठन गोरखाका अध्यक्ष शैलेस लामिछाने, पृथ्वी राजमार्ग बस ब्यवसायी कम्पन्नी प्रा.लिका गोरखाका सदस्य राम प्रसाद भट्ट लगायतले बोल्नु भएको थियो ।

कार्यक्रम गोरखा मनकामना यातायात सेवा प्रा.लि.का अध्यक्ष जिवन खड्काको अध्यक्षतामा कार्यक्रम सम्पन्न भएको थियो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए