गोरखा समाचारदाता

गोरखा – नेपाल कम्युनिस्ट पार्टी (नेकपा) गोरखा नगरकमिटीको दोस्रो पूर्ण बैठक सम्पन्न गरेको छ ।

नगरपार्टी कार्यालय चाईनिज धारामा भएको बैठकले संगठन निर्माणको कामलाई तिव्रता दिने निणर्य गरेको नगरपार्टी सचिव कृष्णराना मगरले बताए । बैठकमा नगरपालिका भित्रका १४ वटै वडाका वडापार्टी अध्यक्षहरुले वडा कमिटीका काम र हरेक वडाका पार्टी कमिटीहरुले सञ्चालन गरेका गतिबिधिहरु सम्बन्धी प्रतिवेदन प्रस्तुत गरीएको थियो ।

नगर कमिटी गठन पश्चात सबै वडामा गरी १ सय ३२ टोल कमिटीको निर्माण र गठनको काम अन्तिम चरणमा पुगेको बैठकमा जानकारी गराईएको सचिव मगरले जानकारी दिए ।

बैठकले आउदो बैठकसम्म पार्टीले गर्ने कामको निर्णय पनि गरेको थियो । पार्टी जिल्ला इन्चार्ज कृष्ण धिताल सह–इन्चार्ज अमर तुम, जिल्ला सचिव प्रेम गुरुङ, प्रदेश कमिटी सदस्यहरु बाबुराम थापा, संझना देवकोटा, डिल ब सेन्चुरी लगायत जिल्ला कमिटी सचिवालय सदस्यहरु बैठकमा सहभागि थिए ।

बैठकमा जिल्ला इन्चार्ज धिताल, सह इन्चार्ज अमर तुम र जिल्ला सचिव प्रेम गुरुङले प्रशिक्षण मूलक मन्तव्य राखेका थिए।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए