गोरखा समाचारदाता
गोरखा – नेपाल एकिकरणको क्रममा पृथ्वीनारायण शाहको ऐतिहासिक तथ्यलाई उजागर गर्दै वलिदानले बनेको देश नामक पुस्तक लेखेका चिरिञ्जीवी वाग्लेलाई सम्मान गरिएको छ ।
ऐतिहासिक क्षेत्र संरक्षण तथा विकास समिति गोरखाको दशौ साधारण सभा तथा पाँचौ अधिवेशनमा उनलाई सम्मान गरिएको हो । पुस्तक मार्फत इतिहासलाई उजागर गरी योगदान दिएको भन्दै समितिले वाग्लेलाई सम्मान गरिएको समितिले जनाएको छ ।
त्यस्तै कार्यक्रममा संस्थाका सल्लाहकार एवं समाजसेवी भरतबाबु श्रेष्ठलाई समेत सम्मान गरिएको छ । समितिका अध्यक्ष सुरेशमान श्रेष्ठको अध्यक्षतामा भएको कार्यक्रममा गोरखा नगरपालिकाका प्रमुख राजनराज पन्तको प्रमुख आतिथ्यता रहेको थियो ।
त्यस्तै समितिको अधिवेशनले सुरेशमान श्रेष्ठकै अध्यक्षतामा नौ सदस्यिय कार्यसमिति समेत चयन गरेको छ । जसको उपाध्यक्षमा राजेन्द्र प्रसाद अर्याल, सचिवमा राजेन्द्रकुमार जोशी, कोषाध्यक्ष विशेश्वर श्रेष्ठ चयन भएको समितिले जनाएको छ ।
त्यस्तै सदस्यहरुमा रामकुमार श्रेष्ठ, अर्जुन श्रेष्ठ, निलकण्ड पौडेल, अजितकुमार श्रेष्ठ र सुभाकर मरहट्टा चयन भएका छन् । बाँकी सदस्य भने बैठकबाट मनोनित गर्ने बताइएको छ । कार्यक्रममा नगरप्रमुख पन्त, वडा नम्बर ६ का वडाध्यक्ष नारायण अर्याल, चिरिञ्जीवी वाग्ले, गोरखा उद्योग बाणिज्जय संघका अध्यक्ष जिवनज्योती श्रेष्ठ, श्रवणकुमार जोशी, समाजसेवी राजुबाबु श्रेष्ठ, किरणबाबु श्रेष्ठ, नवराज कट्टेल लगायतले बोलेका थिए ।
तस्बिर सौजन्य बिकास मरहट्टा