गोरखा समाचारदाता
गोरखा – हेड्स नेपालको गोरखा शाखाको छैटौ अधिवेशन सम्पन्न भएको छ ।
संस्थाका गोरखा अध्यक्ष दिलिप देवकोटाको अध्यक्षतामा भएको कार्यक्रममा गोरखा नगरपालिकाका प्रमुख राजनराज पन्तको प्रुमख अतिथ्यता रहेको थियो । कार्यक्रममा गोरखाको पर्यटन विकास र सम्भावनाका बिषयमा समेत छलफल भएको छ । कार्यक्रममा पुरुषोत्तम अर्यालले ‘पर्यटन र गोरखा’ सम्बन्धी अवधारणा पत्र प्रस्तुत गरेका थिए ।
कार्यक्रममा बोल्ने वक्ताहरुले जिल्लाको धार्मिक एवं ऐतिहासिक पर्यटन विकासमा कसरी विकास गर्न सकिन्छ भन्ने बारे आ–आफ्ना धारणा ब्यक्त गरेका थिए । कार्यक्रममा बोल्दै नगरप्रमुख राजनराज पन्तले मनकामना मन्दिर मुक्तिनाथ जाने पर्यटकलाई सदरमुकाम भित्राउन सक्नुपर्ने धारणा ब्यक्त गरे ।
गोरखा दरवार पुर्ननिर्माणमा ढिलाई हुदा गोरखाको पर्यटन क्षेत्र धरासयी बनेको प्रति चिन्ता ब्यक्त गर्दै उनले इतिहासलाई जिल्लाले बेच्न सक्नुपर्ने बताए । कार्यक्रममा संस्थाका केन्द्रिय अध्यक्ष इश्वरचन्द्र बाँनिया, लेखनाथ शर्मा लगायतले धारणा राखेका थिए ।
कार्यक्रममा सचिव किशोर रेग्मी संस्थाले गरेको गतिविधीका साथै आागामी योजना र कोषाध्यक्ष सहदेव प्रसाद श्रेष्ठले आर्थिक प्रतिवेदन प्रस्तुत गरेका थिए ।