गोरखा समाचारदाता
गोरखा – गोरखा जिल्ला अदालतबाट फैसला कार्वान्वयमा जिल्ला प्रहरी कार्यालय सहयोगी बनेको छ । पछिल्लो समय प्रहरीले १० दिनमा १४ अपराधीलाई नियन्त्रणमा लिएर अदालत बुझाएको छ ।
जिल्ला प्रहरी कार्यालय गोरखाले पत्रकार सम्मेलन गर्दै ‘सम्मानित अदालतबाट फैसलाभई फरार रहेका १४ अपराधीलाई पक्राउ गरी अदालत बुझाएको’ प्रहरी प्रमुख प्रहरी उपरिक्षक ओमप्रसाद शर्माले बताए । उनले ‘अदालतबाट दोषी ठहरीएका अपराधीहरुलाई पक्राउ गर्न प्रहरीको एउटा समूह निर्माण गरीएको’ बताए ।
प्रहरी प्रमुृख शर्माले पत्रकार सम्मेलनमा दिएको जानकारी अनुसार भाद्र १७ गते देखी २६ गते सम्म प्रहरीको उत्त समूहले अदालतले दोषी ठहर गरेका १४ जनालाई नियन्त्रणमा लिएर बुझाइ सकेको छ ।
श्रोत : जिल्ला प्रहरी कार्यालय गोरखा
कार्यालयले उपलब्ध गराएको रेकर्ड अनुसार लापु गाविस ४ हाल धार्चे गाउँपालिका ७ का ६० बर्षिय मानबहादुर गुरुङ्ग, सोही स्थान बस्ने बर्ष ४६ का सुजन र सुर्यमान गुरुङ्ग, बर्ष ६० की सार्किनी गुरुङ्ग र ३० की छममायाँ गुरुङ्गलाई पक्राउ गरी अदालत बुझाएको हो ।
त्यस्तै गरी कार्यालयको रेकर्ड अनुसार गोरखा नगरपालिका ९ का ५० बर्षिय कृण्णबहादुर कमर योगी, सन्दिप श्रेष्ठ र मनिस पन्त, वडा नम्बर ६ का कृण्ण शाही, जयराम शाही र आशिष शाही, वडा नम्बर २ का मनध्वज घले र वडा नम्बर ८ को जिवन गुरुङ्ग र दिलमान गुरुङ्गलाई प्रहरी पक्राउ गरी अदालत बुझाएको हो ।
अदालत बुझाएका मध्ये जरिवाना रकम तिनुपर्नेले तत्कालै जरिवाना रकम तिरेर छुटेका छन भने केहीको कैद भूक्तानी हुन बाँकी देखिएकोले उनीहरुलाई कारागार चलान गरीएको गोरखा अदालतले जानकारी दिएको छ ।
गोरखा जिल्ला अदातलले फैसला गरेको करिब ५ सयको हाराहारीको संख्याको मुद्वाका कसुरदारहरु अहिले पनि फरार रहेको अदालतले जानकारी दिएको छ ।