गोरखा समाचारदाता
गोरखा – नेपाली काँग्रेसले पालुङ्टारमा दोस्रो जागरण अभियान कार्यक्रम गरेको छ । क्षेत्र नम्बर २ प्रदेश क को आयोजनामा वडा नम्बर ७ र ८ कार्यक्रम भएको हो ।
हिमाल, पहाड, तराई, नेपाली काँग्रेस नारा सहित भएको जागरण कार्यक्रममा वडा नम्बर ७ का पार्टी सभापति श्यामकृष्ण श्रेष्ठको अध्यक्षता रहेको थियो भने केन्द्रिय प्रतिनिधी कृष्ण प्रसाद कोइरालाको प्रमुख आतिथ्यता रहेको थियो ।
कार्यक्रमलाई नेपाली काँग्रेसका जिल्ला सचिव नन्द प्रसाद न्यौपाने, क्षेत्र नम्बर २ का सभापति गोविन्द गुरुङ, प्रदेश क का सभापति नारायण गुरुङ, पालुङ्टार नगरपालिकाका सभापति दिपकबाबु कडेंल, गोरखा नगरपालिकाका सभापति चन्दनबाबु खत्री, पालुंटारका पार्टि सचिव विमल ढकाल, भगवती कुमाल लगायतले बोलेका थिए ।
वर्तमान नेकपा सरकारले गरेका जनता विरोधी कार्यको भण्डाफोर गर्ने र जनतालाई जानकारी गराउने उदेश्य सहित काँग्रेसले जिल्लाका ४ वटै प्रदेश सहित देशैभर जागरण अभियान संचालन गरिरहेको जनाएको छ ।