गोरखा समाचारदाता
गोरखा – नेपाली कांग्रेस गोरखाले जिल्लाभर दोस्रो चरणको जागरण अभियान सुरु गरेको छ ।
कांग्रेसको ‘हिमाल पहाड, तराई मधेस’ अभियानको क्रममा देशभर जस्तै गोरखाको चारवटै प्रदेश निर्वाचन क्षेत्रमा कार्यक्रम गर्न लागिएको जिल्ला सभापति हरिबहादुर घलेले बताए ।
नेपाली कांग्रेसले निर्वाचन क्षेत्र नम्बर १ अन्र्तगत प्रदेश ‘क’ को गोरखा नगरपालिका ५ पश्चिमकाली, ‘ख’ को भिमसेन थापा गाउँपालिकाको घ्याम्पेशालमा कार्यक्रम गरेर अभियानको थालनी गरीएको छ । प्रदेश २ को ‘क’ अन्र्तगत पालुङटार नगरपालिका र ‘ख’ को अजिरकोट गाउँपालिकाको भच्चेकमा एकैसाथ वृक्षारोपण गरेर अभियान थालेको जिल्ला सचिव नन्दप्रसाद न्यौपानेले बताए ।
पहिलो चरणको अभियान चुमनुब्री बाहेक सबै स्थानीय तहमा गरेको कांग्रेसले असोज ७ गते दोस्रो चरणको सक्ने तयारी गरेको छ । असोज ७ गते अन्तिम दिन गोरखा सदरमुकाममा सरकारको बेथितीको बिरुद्धमा बिरोध सभा गर्ने निर्णय समेत कांग्रेसले गरेको छ ।
देशमा नागरिकको अधिकार र समृद्धीको निम्ती जनतालाई सुचित गराउन जागर अभियानले महत्वपूर्ण भुमिका खेल्ने कांग्रेसले जनाएको छ ।
अहिले दुई तिहाईको सरकार बनेपछि हत्या हिसां, बलात्कार जस्ता गम्भिर अपराध हुँदा कानुनी कारवाही गर्न नसकेको, जनतालाई निराश बनाएको, भष्ट्राचार बढेको, महंगि बढेको लगायतको आरोप कांग्रेसको छ ।
अन्तराष्ट्रिय लगानी घटेको, ब्याजदर र उच्च कर सँगै सरकारको खराब आचरणको कारण देशमा रोजगारीको अवसर बढ्न नसकेको भन्दै कांग्रेसले सरकारको आलोचना गरेको छ । बर्तमान सरकार कम समयमा बिना परिश्रम सम्पत्ति आर्जन गर्ने झुण्डहरुका वरिपरि सिमित भएको गुनासो कांग्रेसको छ ।
सरकारले गरेको गलत कामलाई भण्डाफोर गर्दै सचेत गराउँदै जनताको धारणा बुझ्न र नागरिकलाई सहयोग गर्ने अभियान अन्र्तगत जागरण अभियान चलाइएको सचिव न्यौपाने बताए ।