गोरखा समाचारदाता
गोरखा – शहिद लखन गाउँपालिकाका स्थानीय वर्खाले भत्काएको सडक मर्मत गरिदिन माग गरेका छन् ।
गाउँपालिकोको सेवा प्रवाहको विषयमा सुझाव संकलन गर्न शनिवार भएको सार्वजानिक सुनुवाइँ कार्यक्रमका अधिकाशं सहभागीहरुले उक्त कुरा बताएका हुन् ।
बर्खा हटेर चाडपर्व नजिकिदै गरेकाले सडक मर्मत सम्भार गरी सवारी सञ्चालन गर्नुपर्ने उनीहरुको सुझाव छ ।
सडकको अवस्थाका कारण नाजुक रहेका कारण बिरामीलाइ उपचारका लागी एम्वुलेन्समा स्वास्थ्य संस्था सम्म लैजान पनि समस्या हुने गरेको उनीहरुले बताएका छन् ।
सोही अबसरमा केही स्थानीयले बादरले दुखः दिएको गुनासो गरेका छन् । भित्र्याउने बेलाको सबै अन्नपात बादरले खाइदिदै कृषकहरु मर्कामा परेको भन्दै उनीहरुले बाँदर नियन्त्रणका लागि पहल गरिदिन गाउँपालिका सँग अनुरोध गरेका थिए ।
कार्यक्रममा सहभागीहरुको जिज्ञासा र गुनासोको गाउँपालिका अध्यक्ष रमेश थापामगर, प्रमुख प्रशासकिय जिवन आलेमगर जवाफ दिएका थिए ।
