गोरखा समाचारदाता
गोरखा – नेपाली काँग्रेसकी केन्द्रिय सदस्य कमला पन्तले श्रमको सम्मान नभई देश समृद्ध बन्न नसक्ने बताएकी छिन् ।
नेपाली काँग्रेस निकट नेपाल टेूड युनियन गोरखाको छैटौं अधिवेशन पश्चातको प्रथम जिल्ला परिषद्मा बोल्दै उनले राज्यले श्रमको सम्मान नगरेको दाबी गरेकी हुन् । वर्तमान सरकारले श्रमिक बिरोधी निति ल्याउनको खोजेको, न्यूनतम ज्याला कार्यान्यवन गरेको, जनताबाट लिएको करले पार्टीको कार्यकता पोस्ने गरेको उनको आरोप छ ।
श्रमिकले रोजगार पाउनका लागि उद्योग धन्दा खोल्दै जानुपर्ने ठाउँमा सरकारले धमाधम बन्द गर्न थालेको भन्दै तत्काल गोरखकाली रबर उद्योग सञ्चालन गर्न माग गरेकी छिन् ।
जिल्ला अध्यक्ष सरदबाबु श्रेष्ठको अध्यक्षता तथा नेपाली काँग्रेसका केन्द्रिय सदस्य कमला पन्तको प्रमुख आतिथ्यतामा भएको कार्यक्रममा जिल्ला सभापती हरि घले, केन्द्रिय उपाध्यक्ष ललित श्रेष्ठ, केन्द्रिय उपमहासचिव ईश्वर परियार, गण्डकी प्रदेशका अध्यक्ष मुरारी शर्मा, काराखाना मजदुर संघका उपमहासचिव केशवराज भट्टराई, शिक्षक संघका अध्यक्ष लुमनाथ लामिछाने, गोरखा क्याम्पस प्राध्यापक संघका सचिव कमल कोइराला, महिला मानव अधिकार रक्षक सञ्जालकी अध्यक्ष साबित्री भट्ट, टूेड युनियन काँगे्रसका जिल्ला उपाध्यक्ष वेदप्रसाद अधिकारी लगायतले मन्तव्य राखेका थिए ।
सोही अबसरमा भएको भेलाले टूेड युनियन काँग्रेसका स्थानीय तह गठनलाई पुर्णता दिने, आवद्ध संघहरु वृद्धि गर्ने, पूर्णता दिने, सदस्य संख्या वृद्धि गर्ने निर्णय गरेको छ । भेलाले नेपाल टूेड युनियन काँग्रेस युवा र महिला समिति गठन गरेको छ । जस अनुसार गीता रानाको संयोजकत्वमा ५ सदस्य महिला समिति गठन गरिएको छ । गठित समितिमा संगिता लामिछाने, सानुमायाँ श्रेष्ठ, सबिना पोखरेल, शान्ता सापकोटा रहेका छन् । समितिको बैठकले २ सदस्य थप गर्नुका साथै पदाधिकारी समेत चयन गर्नेछ ।
यसैगरी गौतम बल्छौडीको संयोजकत्वमा ३ सदस्यिय युवा समिति गठन गरेको छ । जसको सदस्यहरुमा सर्मिला सापकोटा र अनिता श्रेष्ठ रहेका छन् ।
