गोरखा समाचारदाता

गोरखा – मानव बेचबिखन विरुद्व जिल्लामा सञ्चालित साता ब्यापी कार्यक्रम आज (शुक्रबार) समापन गरीएको छ ।

समुदायक–प्रहरी साझेदारी कार्यक्रम अन्तरर्गत जिल्लामा मानव बेचबिखन विरुद्वको साता ब्यापी कार्यक्रम गएको भाद्र १४ गते देखी सञ्चालन गरीएको थियो ।

साता ब्यापी कार्यक्रम अन्तरर्गत एक साता भित्र जिल्ला भित्र विभिन्न कार्यक्रम सञ्चालन गरीएको थियो । जिल्ला प्रहरी कार्यालय गोरखामा प्रहरी निरिक्षक कमला नरालले दिएको जानकारी अनुसार सरोकारवाला संग छलफल तथा अन्तरक्रिया, गोरखा बजार देखी तनहुँको आँबुखैरेनी बजार सम्मको बिच भागमा सन्देशमुलक ब्यानर राख्ने काम, सचेतना मुलक सन्देश रहेको ब्यानर सवारी साधानमा राखिएको, स्टिकर टाँस्ने, प्लस टुका बिद्यार्थीहरुलाई मानव बेचबिखन तथा ओसार पसार विरुद्वको सचेतना मुलक प्रशिक्षण कार्यक्रम, जिल्ला भित्र रहेको ईलाका प्रहरी कार्यालयहरुले नजिकको स्कुलमा सचेतना मुलक कार्यक्रम भएको थियो ।

समापनका दिन आज सदरमुकामको जिल्ला प्रशासन कार्यालय देखी पुरानो बसपार्क सम्म प्रभातफेरी कार्यक्रम सम्पन्न भएको थियो । जिल्ला प्रहरी कार्यालय र गोरखा नगरपालिकाको अयोजनामा भएको कार्यक्रममा जिल्ला समन्व समितिका प्रमुख असोककुमार गुरुङ्ग, गोरखा नगरपालिकाका प्रमुख राजनराज पन्त, प्रमुख जिल्ला अधिकारी देवेन्द्र लामिछाने, जिल्ला प्रहरी कार्यालयका प्रमुख ओमप्रसाद अधिकारी, गोरखा नगरपालिकाका उप मेयर बिनाकुमारी श्रेष्ठ, कार्यकारी प्रमुख कृण्णकुमारी श्रेष्ठ, रणसिं दलका प्रमुख उज्वल केसी, सामुदायिक सेवा केन्द्रका अध्यक्ष अच्यूतलाल श्रेष्ठ लगायत सरकारी कार्यालयका प्रमुख तथा विभिन्न संघ संस्थाका प्रमुख तथा प्रतिनिधीहरुको उपस्थिती रहेको थियो ।

रयालीमा नेपाल प्रहरीका जवान, शसत्र प्रहरी बल गोरखाका जवान र रणसिं दल गणका जवानहरुको समेत सहभागिता रहेको थियो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए