साउन लागेपछि बैंकमा निक्षेप घटेको घट्यै, राष्ट्र बैंकले डेढ अर्ब पठाउँदै

मङ्गलबार, भदौ १७, २०७६ मा प्रकाशित

नयाँ आर्थिक वर्ष सुरु भएपछि वाणिज्य बैंकहरुमा निक्षेप घटेको घट्यै छ। गत असार मसान्तसम्म कुल २८ खर्ब ७८ अर्ब निक्षेप संकलन भएकोमा साउन १० गते २८ खर्ब ६२ अर्बमा झर्‍यो। साउन २४ गते २८ खर्ब ५८ अर्बमा झरेको निक्षेप भदौ ६ गते २८ खर्ब ५३ अर्बमा झरेको छ।

गत आर्थिक वर्षको साउन महिनामा पनि निक्षेप १५ अर्बले घटेको थियो। नयाँ आर्थिक वर्षमा साउनमा मात्रै २३ अर्बले निक्षेप घटेको छ। निक्षेप घटबढ भइरहने बताउँदै बैंकर भने यसलाई सामान्य रुपमा लिन्छन्।

‘कुनै समय बढेको हुन्छ भने कुनै समय घट्न पनि सक्छ’ सानिमा बैंकका बैंकका प्रमुख कार्यकारी अधिकृत भुवनकुमार दाहालले भने ‘तर समग्र वार्षिक रुपमा त बढेकै हुन्छ।’

राष्ट्र बैंकको तथ्यांकअनुसार गत आर्थिक वर्ष निक्षेप १८ प्रतिशतले बढेको छ। ऋणात्मक भुक्तानी सन्तुलन बढ्दा पनि निक्षेपलाई असर परेको हुन सक्ने दाहालले बताए।

राष्ट्र बैंकको तथ्यांकअनुसार गत आर्थिक वर्षसम्म भुक्तानी सन्तुलन ६७ अर्ब ४० करोड नोक्सानीमा छ। बैंकहरुमा कर्जाको माग बढिरहँदा निक्षेप घट्दै जानुले लक्षित आर्थिक वृद्धिलाई नै असर पार्न सक्नेछ। असार दोस्रो सातापछि आएको ऋण प्रस्तावलाई धेरै बैंकहरुले ‘क्लोजिङ टाइम’ भन्दै फर्काइदिए।

नयाँ आर्थिक वर्ष लागेपछि बैंकहरुमा स्रोतको झनै अभाव देखिएकाले अहिले नयाँलाई ऋण दिने अवस्था नै नरहेको एक बैंकरले बताए।

निक्षेप घटिरहँदा बैंकहरुले सक्दो रुपमा ऋण प्रवाह भने गरिरहेका छन्। पछि निक्षेप थपिने आशाले ‘सिसिडी रेसियो’लाई बैंकहरुले टाइट पारेका छन्।

बैंकर्स एसोसिएसनका अनुसार नयाँ आर्थिक वर्ष सुरु भएपछि भदौ ६ गतेसम्म कर्जा प्रवाह १८ अर्बले बढेको छ। असार मसान्तसम्म वाणिज्य बैंकहरुले २४ खर्ब ९८ अर्ब कर्जा प्रवाह भएकोमा भदौ ६ गतेसम्म २५ खर्ब १६ अर्ब पुगेको छ।

‘अहिले ऋण दिन सक्ने अवस्था नै छैन, ऋणका धेरै फाइलहरु पेन्डिङमा छन्’ एक बैंकका प्रमुख कार्यकारीले भने।

राष्ट्र बैंकले डेढ अर्ब निक्षेप पठाउँदै

बैंकहरुमा निक्षेपको चरम अभाव भइरहेका बेला राष्ट्र बैंकले डेढ अर्ब बढी रकम पठाउने भएको छ। बैंक, विकास बैंक र फाइनान्समा गरी कुल १ अर्ब ५८ करोड रुपैयाँ राष्ट्र बैंकले मुद्दती निक्षेपका रुपमा जम्मा गर्ने भएको हो।

३६५ दिने अवधिको मुद्दती निक्षेप बैंकहरुमा असोज १ देखि जम्मा हुनेछ। जसअनुसार वाणिज्य बैंकहरुमा १ अर्ब २६ करोड, विकास बैंकहरुमा २३ करोड र फाइनान्स कम्पनीहरुमा ७ करोड बढी रकम जम्मा हुनेछ।

सेताेपाटी

लेखकबाट थप:

मङ्गलबार, भदौ १७, २०७६ मा प्रकाशित

ताजा अपडेट

कांग्रेसका बरिष्ठ नेता श्रेष्ठको निधन

सुन तोलामा ४३ सयले घट्याे

साहित्य र चलचित्रका २ साधकलाई ‘दाहाल यज्ञनिधि पुरस्कार’

असार मसान्तसम्म खपत भएको बिजुलीमा भ्याट नलाग्ने

नेपाल राष्ट्र बैंकले मंगलबारकाे लागि निर्धारण गरेकाे विदेशी मुद्राको विनिमयदर

आजकाे माैसम : बागमती, गण्डकी र कर्णालीमा भारी वर्षाको सम्भावना

चाैरमा अचेत अवस्थामा भेटिएकी २ महिलाकाे मृत्यु

मर्स्याङ्दी नदी किनारामा फेला परेकाे शव लमजुङ सिता देवी परियारकाे भएकाे पुष्टी

धनगढीमा आत्मदाह प्रयास गरेकी युवतीको मृत्यु

साउन लागेपछि बैंकमा निक्षेप घटेको घट्यै, राष्ट्र बैंकले डेढ अर्ब पठाउँदै

लेखकबाट थप:

लेखक बाट थप

सुन तोलामा ४३ सयले घट्याे

नेपाल राष्ट्र बैंकले मंगलबारकाे लागि निर्धारण गरेकाे विदेशी मुद्राको विनिमयदर

नेपाल राष्ट्र बैंकले साेमबारकाे लागि निर्धारण गरेकाे विदेशी मुद्राको विनिमयदर