कैलासबावु श्रेष्ठ

साउन ११ गते । गोरखा सदरमुकाममा कारखाना तथा वर्कसप सञ्चालन सम्वन्धी ट्राफिक सचेतना कार्यक्रम सम्पन्न भएको छ ।

जिल्ला प्रहरी कार्यालय, ट्राफिक प्रहरी कार्यालय र सामुदायिक सेवा केन्द्र गोरखाको आयोजनामा जिल्ला भित्र सवारी साधान सम्वन्धी कारखाना तथा वर्कसप सञ्चालन गर्ने सञ्चालकहरुलाई १ दिने ट्राफिक सचेतना एवं प्रशिक्षण कार्यक्रम गरीएको हो ।

सवारी दुरघटना कम गराउने र कारखाना र वर्कसप चलाउदा नेपाल सरकारले कानूनमा ब्यवस्था गरेको कुराको ज्ञान दिने गरी जिल्ला भित्र सञ्चालित कारखाना र वर्कसपका सञ्चालक तथा मजदुरहरुलाई सचेतना र प्रशिक्षण गराईएको जिल्ला ट्राफिक प्रहरी कार्यालय गोरखाले जानकारी दिएको छ ।

सामुदाय–प्रहरी साझेदारी कार्यक्रम अन्तरर्गत समुदाय सम्र्पक कार्यक्रममा कारखाना तथा वर्कसप सञ्चालन सम्वन्धी ट्राफिक सचेतना तथा प्रशिक्षण कार्यक्रम सञ्चालनले जिल्ला भित्र हुने सवारी चोरी र मोडिफाई गर्ने कामलाई न्यूनिकरण गर्ने सामुदायिक सेवा केन्द्रका अध्यक्ष अच्यूतलाल श्रेष्ठले बताए ।

कार्यक्रममा जिल्ला प्रहरी कार्यालय गोरखाका प्रहरी उपरिक्षक ओमप्रसाद अधिकारी र जिल्ला ट्राफिक प्रहरी कार्यालय गोरखाका ईन्चाज सुकबहादुर बिकले प्रशिक्षण गराएका थिए । सामुदायिक सेवा केन्द्र गोरखाका अध्यक्ष अच्युतलाल श्रेष्ठको अध्यक्षतामा भएको कार्यक्रममा नेपाल पत्रकार महासंघ गोरखा शाखाका सचिव नरहरी ढकाल समेतले आफ्ना भनाई राखेका थिए ।

कार्यक्रममा सहभागीहरुले राखेको प्रश्नहरुको प्रहरी उपरिक्षक अधिकारीले जवाफ दिएका थिए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए