- सकटासन्न घरधनीलाई घर हस्तान्रण, ४४ घर निर्माण हुदै
कैलासबावु श्रेष्ठ
साउन १० गते । भूकम्प प्रभावित सकटासन्न परिवारकोलागि ४४ घर निर्माण सम्पन्न भएको छ ।
वैकल्पिक प्रविधि प्रर्वद्धन गर्ने उद्देश्यका साथै संकटासन्न गोरखा जिल्लाका भूकम्प प्रभावित घरधनीका लागि तारजाली प्रविधिमा आधारीत ४४ घर निर्माण सम्पन्न भएर सम्वन्धीत घरधनीलाई घर हस्तान्तरण समेत गरिसकेको भारत सरकारको सहयोग प्राप्त नेपाल आवास पुनःर्निर्माण परियोजना गोरखाका सूचना अधिकारी तारा ढकालले जानकारी दिईन । ढकालका अनुसार परियोजनाले पुनः ४४ वटा घर निर्माण गरी रहेको छ ।
ढुङ्गाको गारोलाई तारले बाधेर जस्ताले छाउने प्रविधिलाई तारजाली प्रविधिको घर भनिन्छ । यस्ता घर भूकम्प प्रतिरोधी समेत हुने परियोजनाका इन्जिनियर नरेश निदालले बताए । निदालका अनुसार पुरानो घरबाट निस्केका ढुंगा, माटो, काठको पुनः प्रयोग गरेर स्थानीय स्तरमै उपलब्ध तालिम प्राप्त कर्मीले त्यस्तो प्रविधिको घरहरु सहजै बनाउन सक्छन । जसका कारण घर सस्तोमा निर्माण हुने, बातावरण मैत्री हुने र पुरानै ढाचामा निर्माण गर्न सकिन्छ ।
परियोजनाले सामाजिक र प्राविधिक सहजिकरण अन्तरर्गत शारीरिक रुपले अशक्त तथा आर्थिक अवस्था कमजोर भएका गण्डकी गाँउपालिकाका तिलबहादुर थापा, पालुंङटार नगरपालिकाका सुक बहादुर राना र सिरानचोक गाँउपालिकाका रामबहादुर गुरुङ्ग सहितका भूकम्प प्रभावित घरधनीको घर पुनःर्निर्माण सम्पन्न गरेर हस्तान्तरण समेत गरी सकेको छ ।
परियोजनाले अहिले पनि गोरखा र पालुङटार नगर पालिका एवं सिरानचोक, गण्डकी, शहीदलखन, धार्चे, आरुघाट र अजिरकोट गाउँपालिकाका ४२ वडामा परियोजनाले निजी आवास पुनःर्निर्माणमा सामाजिक र प्राविधिक सहजिकरण गर्दै आएको छ ।
परियोजनाले सहजिकरण गरेका २६ हजार ९ सय १२ घरधुरी मध्ये गएको असार मसान्त सम्ममा २३ हजार ४ सय ४० घर निर्माण सम्पन्न भएको भारत सरकारको सहयोग प्राप्त नेपाल आवास पुनःर्निर्माण परियोजना गोरखाले जानकारी दिएको छ ।
