कैलासबावु श्रेष्ठ
साउन १० गते । गोरखा क्याम्पसको अतिक्रमित जमिन तत्कालै फिर्ता गर्न बिद्यार्थीहरुको संगठनले भनेका छन ।
गोरखा नगरपालिकाको हिलेपोखरीमा रहेको गोरखा क्याम्पसको जमिन अतिक्रमण गरेर प्लटीङ्ग गरेको जमिनमा जाने बाटो बनाएको भन्दै अनेरास्वबियु र अखिल क्रान्तिकारी गोरखा क्याम्पस इकाईले बिहीबार क्याम्पस प्रमुखलाई ज्ञापन पत्र बुझाएका हुन ।
ज्ञापन पत्रमा गोरखा क्यामपसको जग्गा भू माफियाँहरुले अतिक्रमण गरी बाटो निर्माण गरेको घटना प्रति गंभिर ध्यानाकर्षण भएको भन्दै तत्कालै जमिन फिर्ता गर्न भनेकोे छ ।
क्याम्पस प्रमुख बिकास कुमार श्रेष्ठलाई बुझार्ईएको ज्ञापन पत्रमा गोरखाको शैक्षिक धरोहरको रुपमा रहेको गोरखा क्याम्पसको जग्गामा पनि दलालहरुको गिद्धे नजर परेकोमा आपत्ती जनाउदै जमिन फिर्ताका लागि आवश्यक पहल तत्कालै गर्न प्रशासनसंग माग पनि गरेको छ ।
ज्ञापन पत्रमा क्याम्पसको भौतिक सम्पती मााथिको हस्तक्षेपले क्याम्पसको अस्तित्व माथि नै प्रश्न वाचक चिन्ह खडा गराएको भन्दै जग्गा दलालहरुले प्लटिङ्गको नाममा गोरखा क्याम्पसको अस्तित्वमा धावा बोलेकोले अखिल क्रान्तिकारी र अनेरास्वबियु जग्गा फिर्ता नभए चुप लागेर बस्न नसक्ने भनिएको छ ।
अखिल क्रान्तिकारीका जिल्ला अध्यक्ष विष्णु पाण्डे र अनेरास्वबियुका कार्यबाहक जिल्ला अध्यक्ष सुदिप धितालद्धारा हस्ताक्षरित ज्ञापन पत्रमा जग्गा फिर्ता नगरे भूमाफियाहरु बिरुद्ध कडा प्रतिकारमा उत्रने चेतावनी दिईएको छ ।