काठमाडौँ — गृहमन्त्रालयमा आयोजित पत्रकार सम्मेलनमा गृहमन्त्री रामबहादुर थापाले निर्मला पन्तको बलात्कारपछि हत्या भएको घटनाको प्रहरीले अहिले पनि गम्भिर रुपमा अनुशन्धान जारी राखेको बताएका छन् । उनले उक्त घटनामा ‘अति राजनीतिकरण’को प्रयास भएकै कारणले गर्दा अनुसन्धान प्रभावित भएको दाबी गरेका थिए ।
गृहमन्त्रालयमा आयोजित पत्रकार सम्मेलनमा गृहमन्त्री रामबहादुर थापाले निर्मला पन्तको बलात्कारपछि हत्या भएको घटनाको प्रहरीले अहिले पनि गम्भिर रुपमा अनुशन्धान जारी राखेको बताएका छन्। उनले उक्त घटनामा ‘अति राजनीतिकरण’को प्रयास भएकै कारणले गर्दा अनुसन्धान प्रभावित भएको दाबी गरेका थिए।
नेपाल प्रहरीले ९५ प्रतिशत बलात्कारका घटनाको सफल अनुसन्धान गरेको बताउँदै उनले भने, ‘कुनैपनि विकसित भनिएका देशमा पनि अपराधको सतप्रतिशत अनुसन्धान भएको हुँदैन। हामी कहाँ पनि एक दुईवटा घटना बाहेक अन्यको सफल अनुसन्धा भएको छ। जसलाई सन्तोषजनक मान्नुपर्छ,’ उनले भने, ‘निर्मला पन्त प्रकरणमा धेरै राजनीति गरियो। नभए प्रहरीले अन्य बलात्कारका घटनाको अनुसन्धानमा ९५ प्रतिशत सफलता हासिल गरेको छ।’
गृहमन्त्री थापाले अनियमिततामा संलग्न १८ सय ठेकेदारको फाइल पनि गृहले अख्तियारमा बुझाएको बताएका छन्।
यस्तै उनले चन्द समूह वार्तामा आउने प्रकृयामा रहेको र निकट भविष्यमा नै उनीहरुसँग वार्ता हुने सम्भावना रहेको दाबी गरेका थिए।
‘उनीहरुले केही सर्त राखेको भनेर अनौपचारिक रुपमा सुनिकएको छ। तर औपचारिक रुपमा केही प्रस्ताव भने आएको छैन,’ उनले भने, ‘वार्ताको प्रयास भने जारी छ।’