गोरखा समाचारदाता

साउन ७ गते । राज्यका हरेक निकायमा युवाको पहुँच बढाउनुपर्ने सदरमुकाममा आयोजित एक कार्यक्रमका वक्ताहरुले बताएका छन् । सोच युथ र गोरखा नगर युवा स्वयम सेवक सञ्जालको संयुक्त आयोजनामा भएको नेपाल लिडरशिप कन्क्लेभमा बोल्दै युवा वक्ता अब्दुस मियाँले युवाहरुलाई अवसरबाट बञ्चित गराइदा पलायन हुनुपर्ने अवस्था बढेको बताए । राजनिती देखि राज्यका हरेक क्षेत्रले सक्षम युवा नेतृत्व खोजेको भन्दै उनले जस्ता सुकै चुनौती आए पनि त्यसबाट युवा भाग्न नहुने तर्क गरे ।

उमेरका कारण मात्रै युवा हुन नसक्ने जिकिर गर्दै मियाँले त्यसका लागि नेतृत्व क्षमता हुनुपर्नेमा जोड दिएका छन् । देशको सम्बृद्धि र विकासका लागि राजनितीमा युवा पहुँच बढाउनु पर्ने उनको भनाई छ । सञ्जालका अध्यक्ष अनिल राना मगरको अध्यक्षतामा भएको कार्यक्रममा बोल्दै अर्का वक्ता प्रिया सिग्देलले आफ्नो ब्यक्तित्व र नेतृत्व विकास नगरी समाज परिवर्तन गर्छु भन्ने कुरा ब्यर्थ भएको टिप्पणी गरिन् । मिस नेपाल अर्थ २०१८ समेत रहेकी सिग्देलले युवाहरुमा समेत महिला र पुरुषको विभेद रहेको भन्दै त्यसले कसैको हित नगर्ने बताईन् ।

त्यस्तै अर्का वक्ता निगम हुमागाईले युवाले विकास निर्माणका काममा समेत चासो देखाउनु पर्ने बताएका छन् । देशकै गौरवको स्थानका रुपमा परिचित गोरखा दरवार पुर्ननिर्माणको काम अलपत्र बन्दा समेत युवाहरु रमिते बनेको भन्दै नागरिक समुहका अध्यक्ष समेत रहेका उनले असन्तुष्टी ब्यक्त गरे । इतिहास जोगाउने काम नेताको मात्रै नभई युवाको समेत भएकाले जागरुक हुन गोर्खाली युवाहरुलाई आब्हान गरे । ब्यक्तिगत र राजनैतिक स्वार्थ त्यागेर युवाहरु एकजुट नभई देशमा सम्बृद्धि नआउने उनको तर्क छ ।

त्यस्तै गोरखा नगरपालिकाका प्रमुख राजनराज पन्तले समाजको अग्रपंतीमा युवा आउनुपर्नेमा जोड दिएका छन् । कार्यक्रमका प्रमुख अतिथी समेत रहेका उनले गोरखा नगरपालिकाले गर्ने हरेक गतिविधीमा युवा सहभागिता बढाउन चाहेको र सोही अनुसार योजना अघि सारेको जानकारी समेत गराए ।

कार्यक्रममा झण्डै २ सय भन्दा बढि युवाहरु सहभागी भएको आयोजक संस्था मध्ये सोच युथका जिल्ला संयोजक मोहसिन अलि मियाँले बताए । देशका बिभिन्न १० शहरहरुमा आयोजना गरिएको यो कार्यक्रम गोरखामा पहिलो पटक भएको हो । कार्यक्रममा सहभागी युवाहरु संग अन्तरकृया समेत भएको थियो । सहभागी युवाहरुले उठाएका प्रश्न एवं जिज्ञासाको अब्दुस मियाँ, प्रियासिग्देल र निगम हुमागाईले जवाफ दिएका थिए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए