कैलासबावु श्रेष्ठ
साउन ६ गते । गोरखाको लक्ष्मी बजारमा ट्राफिक सचेतना सम्पन्न भएको छ ।
सवारी दुरघटना न्यूनिकरण गर्ने उद्वेश्यका साथ गोरखा नगरपालिका ८ को लक्ष्मी बजारमा ट्राफिक सचेतना कार्यक्रम सम्पन्न गरेको हो ।
सामुदायिक सेवा केन्द्र र जिल्ला ट्राफिक प्रहरी कार्यालय गोरखाको संयुत्त आयोजनामा भएको कार्यक्रममा गोरखा सदरमुकाम भएर बाहिर जाने र बाहिर बाट गोरखा सदरमुकाम आउने सबै सवारी साधानहरुमा जिल्ला प्रहरी कार्यालय गोरखाका प्रहरी उपरिक्षक ओमप्रकाश अधिकारीले चेतना मुलक स्टिकर टाँसेका थिए ।
शान्ति पुर्ण एवं सुरक्षित समाज निर्माणका लागि सामुदायिक सेवा केन्द्र गोरखाले विभिन्न संघ संस्था संग समन्वय गरी जिल्लाभरी कार्यक्रम सञ्चालन गर्दै आएको छ ।
सचेतना कार्यक्रममा जिल्ला भित्र सञ्चालनमा आएको दरौदी यातायात प्रालि, पृथ्वी राजमार्ग बस सञ्चालक कम्पनी प्रालि, मनकामना यातायात प्रालिका र गोरखाकालीका यातायातका यातायात ब्यवसायी, मजदुर तथा सञ्चारकर्मी र स्थानियको उपस्थिती रहेको थियो ।
कार्यक्रमलाई प्रहरी उपरिक्षक ओमप्रकाश अधिकारी, वडाध्यक्ष कुलबहादुर कुवर र पृथ्वी राजमार्ग बस सञ्चालक कम्पनी प्रालिका गोरखा प्रमुख राजन ढुङ्गानाले सबैले ट्राफिक नियमको पालना गर्न उपस्थित सबैलाई आग्रह गरेका थिए ।