कैलासबावु श्रेष्ठ
साउन ६ गते । विप्लव माओवादी कार्यकता भनेर प्रहरी आईतबार नियन्त्रणमा लिएको एक सरकारी कर्मचारीलाई सोमबार तारेखमा रिहा गरेको छ ।
गोरखा नगरपालिका १० को छेवेटारमा रहेको शहरी स्वास्थ्य केन्द्रमा कार्यरत स्थानिय अहेब रामचन्द्र पाण्डेलाई प्रहरीले आईतबार बिहान विप्लव कार्यकता भएको आरोपमा पक्राउ गरेको थियो । पाण्डेलाई हाजिरी जमानिमा छाडिएको जिल्ला प्रहरी कार्यालय गोरखाले जानकारी दिएको छ ।
पाण्डे नेपाली कांग्रेसको शुभेच्छुक संस्था नेपाल स्वास्थ्यकर्मी संघ गोरखाका उपाध्यक्ष, निजामती कर्मचारी युनियन (संघ) को जिल्ला सदस्य र स्वास्थ्यकर्मीको साझा संस्था नेपाल स्वास्थ्यकर्मी संघको गण्डकी प्रदेश उपाध्यक्ष हुन।