गोरखा समाचारदाता
साउन ६ गते । राष्ट्रिय लोक तथा दोहोरी गीत प्रतिष्ठान जिल्ला शाखा गोरखाको अध्यक्षमा पुनः मिना गुरुङ चयन भएकी छिन ।
शनिवारबाट जिल्ला सदरमुकाम गोरखामा सुरु भएको छैटौं अधिवेशनले गुरुङको अध्यक्षतामा २५ सदस्सिय नयाँ कार्य समिति चयन गरेको छ । जसको वरिष्ठ उपाध्यक्षमा नारायणबाबु दानी, द्धितिय उपाध्यक्षमा राजेन्द्रबाबु पन्थ, महिला उपाध्यक्षमा रीता थापा मगर, सचिवमा हरिराम परियार, सह–सचिवमा हरिकुमार श्रेष्ठ, कोषाध्यक्षमा बिकास नेपाली र सह–कोषाध्यक्षमा रुपा गुरुङ चयन भएका छन् ।
अधिवेशनले सुरज थापा मगर, भरत सुनार, पुजा गुरुङ, सुनिल लामिछाने, कल्पना आले, लबकुमार भट्ट, प्रकाश गुरुङ, राज गुरुङ, टिका गुरुङ, बालकृष्ण परियार, वुद्धिबहादुर गुरुङ, केशव बगाले, पवनश्री परियार, सुबास गुरुङ, तिलकुमारी पोखरेल र अम्बर थापा मगर सर्वसम्वत छनोट गरेको पूर्व अध्यक्ष शिव केसीले जानकारी दिए । लोक तथा दोहोरी गीतको संरक्षण, सम्वद्र्धन र प्रर्वदन गर्ने उदेश्यले २०५९ सालमा गठित प्रतिष्ठानको जिल्ला शाखामा २६ जना आजिवन र ४ सय १३ जना साधारण सदस्य छन् ।