गोरखा समाचारदाता
गोरखामा व्यवसायिक रयाफ्टिङ सुरु भएको छ । गत वर्ष सम्भाव्यता अध्ययन गरेको रोट्याक्ट क्लव अफ गोरखा शनिवारबाट व्यवसायीक रुपमा ¥याफ्टिङ गरेको हो । ‘गत वर्ष हामीले अध्ययन गरेका थियौं, सिजनल रयाफ्टिङको सम्भाव्यता रहेको पुष्टि भयो’ रोट्याक्ट क्लव अफ गोरखाका अध्यक्ष दिपेशसिंह बस्न्यातले भने ‘यो विचमा कसैले पनि यो काम गरेन त्यसैले हामीले नै निरन्तता मात्र दिएका हौं ।’ सिरानचोक गाउँपालिका अर्खुल देखि गोरखा नगरपालिका १० छेवेटारसम्म गरिएको रयाफ्टिङमा १४४ जना सहभागी भएका थिए ।

९ वटा डुंगामा सवार सहभागीहरुले १ घण्टा ३० मिनेट जलयात्रा गरेका आयोजकले बताएको छ । ‘हामीले डे ट्रिप र नाइट स्टे सहितको गरी दुई समूह बनाएका थियौं’ उनले भने ‘सोही अनुरुपको व्यवस्थापन गरिएको थियो ।’ डे ट्रिपको लागि २ हजार र नाइट स्टे सम्मको लागि ३ हजार शुल्क लिइएको छ । ‘डे ट्रिप को लागि बिहानको नास्ता खाना र रयाफ्टिङको प्याकेज थियो ’ बस्न्यताले भने ‘नाइट स्टे गर्नेहरुका लागि बिहानको नास्ता, खाना दिउँसोको नास्ता र बेलुकीको खाना बासको समेत व्यस्थापना मिलाएका थियौं ।’ खाने बस्ने व्यवस्था नदी किनारमै मिलाइएको थियो ।

दरौदी नदीमा पानीको बाहव कम हुने भएकाले वर्खामा मात्र ¥याफ्टिङ गर्ने सकिने आयोजकले बताएको छ । पानीको सतह कम भएपछि भुइँको ढुङगामा ठोकिएर ¥याफ्टिङ गर्न नमिल्ने अध्ययन टोलीले निष्कर्ष निकालेको थियो । रयाफ्टिङको सुभारम्भ कार्यक्रममा गोरखा नगरपालिका प्रमुख राजनराज पन्त, प्रमुख जिल्ला अधिकारी नारायण भट्टराई लगायत जिल्लाका उच्चपदस्त व्यक्तिहरु समेत सहभागी भएका थिए । गोरखा नगरपालिकाको वार्षिक कार्यक्रम अनुसार रोट्याक्टले ¥याफ्टिङ गरेको हो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए