गोरखा समाचारदाता
नेपाली कांग्रेसका नेता एवं पूर्व अर्थमन्त्री डाक्टर रामशरण महतले अहिलेको सरकारले असंबैधानिक किसिमले कर बढाएको आरोप लगाएका छन् । नेपाल प्रेस युनियन गोरखाले जिल्ला सदरमुकाममा गरेको पत्रकार भेटघाटमा बोल्दै उनले केन्द्र सरकारकै संरक्षणमा कानून उल्लघंन गरी प्रदेश र स्थानीय तहले समेत कर बढाएको बताएका हुन् ‘करको दर होइन दायरा बढाउनु उचित हो’ पूर्व अर्थमन्त्री समेत रहेका कांग्रेस नेता महतले भने ‘तर सरकारले जनता माथि करको बोझ थोपरेको छ ।’ प्रतिव्यक्ति आयको तुलनामा नेपाल दक्षिण एसियामै सबै भन्दा धेरै कर लिने मुलक भएको भन्दै उनले करका दर बढाउनु भन्दा दायरा फराकिलो पार्नु उचित हुने तर्क गरेका छन् । ‘मानिसको क्रयशक्ति कति छ थाहा छैन, जथाभावी कर असुलेर उनीहरुले कसरी तिर्न सक्छन ?’ उनले प्रश्न गरे । कतिपय स्थानीय तहले आवश्यक तयारी बिनै गैरकानूनी रुपमा कर लगाएको उनको भनाई छ । नेपालको सबिधानमा एक स्थानीय तह र अर्को स्थानीय तह विच कुनै पनि किसिमका कर लगाउन पाउने प्रावधान नरहेको भन्दै उनले अहिले जथाभावी बढाइएको करले जनमानसमा आतकं सिर्जना गरेको बताए । ‘करले जनतामा आतंक फैलाएको छ, जनता सबै त्रसित भएका छन’ उनले भने ‘करको सदुयोग पनि सहि किसिमले हुने देखिदैन ।’ जनतासँग लिइएको कर बिकास निर्माणमा लगाउनका सट्टा कर्मचारीको तलब भत्ता सेवा सुबिधामा खर्च गर्दा देश बिकास नहुने डाक्टर महतले बताए ।
नेपालको संबिधानमा कर संकलनका बारेमा स्पष्ट उल्लेख गरेको भन्दै उनले आवश्यक अध्ययन गरेर मात्र कर लिन स्थानीय तहलाई सुझाव दिएका छन् । ‘एक स्थानीय बाट अर्काेका जाँदा, सामान लैजादा÷ल्याउँदा कर लगाउन गलत छ, यस्तो गर्नु हुँदैन ।’
केपी शर्मा ओली नेतृत्वको वर्तमान सरकारले जनताका अत्यावश्यक काम गर्नु भन्दा अहिले सम्भव नभएका सपना बाढ्दै हिडेको आरोप लगाएका छन । सरकारले रेल, पानी जहाज ल्याउने कुरामा अहिले सम्म कुनै अध्ययन÷अनुसन्धान भएको भन्दै उनले अध्ययन गरिएका योजना निर्माणलाई प्राथमिकता दिन नसकेको बताएका छन । ‘तपाइँहरुकै जिल्लाको बुढीगण्डकी आयोजना बनाउने तर्फ सरकारले कुनै चासो दिएको देखिदैनन, जुन अध्ययन÷अनुसन्धान गरी निर्माण प्रक्रियामा अघि बढि सकेको छ’ पूर्व अर्थ मन्त्री महतले भने ‘उहाँहरु अहिले सम्म अध्ययन नभएका कुराहरु यो गछौं उ गर्छौ भन्दै हिड्नु भएको छ ।’
तत्काल रेल र पानी जहाज भन्दा सडक यातायात नेपालीको पहिलो प्राथमिकता भएको भन्दै उनले जतिसक्दो छिटो गाउँबस्तीलाई सडक सञ्जालले जोड्न सक्यो त्यत्ति छिटो देश समृद्ध हुने उनको तर्क छ ।
कांग्रेसले आफू निकट स्थानीय तहका जन प्रतिनिधिहरुलाई कर, बिकास निर्माण, योजनाका प्राथमिता जस्ता समासायिक बिषयमा जानकारी गराउने अभियान थालेको भन्दै उनले कांग्रेसले जितेका स्थानीय तहमा आर्थिक पारर्दर्शीता र मितव्ययिता कायम गराउने दाबी समेत गरेका छन् ।
बर्तमान सरकारले घर घरमा ग्यास जोडेको भनि गरेको प्रचारबाजी प्रति ईगित गर्दै नेता महतले काँग्रेस नेतृत्वको सरकारले जनताको घर घरमा बायो ग्यास पु¥याएको दावी गरे ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए