कैलासबावु श्रेष्ठ/गोरखा
साउन २ गते । चितवनको इच्छाकामना गाउँपालिका स्थित कुरिनटार देखी गोरखाको सहिद लखन गाउँ पालिकाको मनकामना सम्म सञ्चालित केबुलकारले यो बर्ष पनि उत्कृष्टताको प्रमाण पत्र पाएको छ । केबलकारले यो सहित चौँथो वर्ष उत्कृष्टताको प्रमाणपत्र (सर्टिफिकेट अफ एक्सीलेन्स) पाएको हो ।
विश्वभरी नै ठूलो मानिएको र विश्वसनीय मानिएको ट्राभल साइट ट्रीप एड्भाइजरले सेवाग्राहीको मूल्यांकनका आधारमा मनकामना केबुलकारलाई सन् २०१८ का लागि उत्कृष्टताको प्रमाणपत्र दिएको हो । मनकामना केबुलकारलाई सर्टिफिकेट अफ एक्सीलेन्स प्रदान गरिएको ट्रीप एड्भाइजरले आफ्नो वयभसाइड मार्फत सबैलाइ जानकारी गराएको छ । 
‘हामीले हाम्रो सेवा कसरी विश्व स्तरी हुन्छ भन्नेमा ध्यान दिदै काम पनि गरी रहेका छौ । हाम्रा ग्राहाक हाम्रो सेवा प्रति सन्तुष्ठ भएकै कारण हामीले यो अवार्ड लगातार चौथो बर्ष पनि प्राप्त गर्न सफल भएका हौ ’ भन्नु हुन्छ केबलकार प्रबन्ध निर्देशक डिएन कायस्थ ।
केबल कारले सन २०१५ देखी लगातार यो पुरस्कार हात पार्दै आएको छ ।