गोरखा समाचारदाता
असार २९ गते । निजि क्षेत्रले गोरखाको पर्यटन उद्योगमा प्रयाप्त लगानी गर्न नसकेको गण्डकी प्रदेशका भौतिक पूर्वाधार बिकास मन्त्री रामशरण बस्नेतले बताए ।

नेपाल चेम्बर अफ कमर्सको कार्यालय उद्घाटन गर्दै उहाँले प्रदेश सरकार निजि क्षेत्रसँग हातेमालो गरेर अगाडी बढ्न तयार रहेको उनको भनाई । व्यापारी-व्यवसायीले संघ-सगठन खोलेरमा मात्र बिकास नहुने भन्दै उनले क्षेत्रलाई लगानीको लागी आवश्यक सबै वातावरण प्रदेश सरकारले मिलाउने दाबी गरे ।

गण्डकी प्रदेशका प्रवक्ता समेत रहेका मन्त्री बस्नेतले गोरखाको बिकासका लागि सरकारी निजी दुबै क्षेत्र मिलेर काम गर्नुपर्ने बताएका छन । कार्यक्रम चेम्बर अफ कमर्सका पूर्व केन्द्रिय सचिव सन्तोष पाण्डेले गोरखाका व्यापारीहरु संगठित भएर निकै राम्रो उदाहरण पेश गरेको भन्दै केन्द्रले ठूला व्यापारीहरुसँग समयन्वय गरी छिट्टै गोरखा ठूला खालका लगानी भित्रयाउने प्रवद्धता व्यक्त गरे ।

यसैगरी प्रमुख जिल्ला अधिकारी नारायण प्रसाद भट्टराइले व्यापारी व्यवसायी प्रति जनताका थुप्रै गुनासो रहेको भन्दै व्यवासय सगै पेशागत धर्म निर्वाह गर्न आग्रह गरेका छन । गोरखा नगरपालिकाका प्रमुख राजनराज पन्तले जिल्लामा व्यवासाय कर तिर्ने परिपार्टी बिकास नभएको भन्दै यथाशिघ्र करको दायरामा आउन व्यपारी व्यवसायीलाई आग्रह गर्नुभएको थियो ।

अन्यथा साउन १ गते बाट नगरपालिकाले व्यवसाय करमा कडाइ गर्ने उनको भनाई छ । चेम्बर अफ कमर्सका जिल्ला अध्यक्ष भाइचन्द्र श्रेष्ठको अध्यक्षतामा भएको कार्यक्रममा नेपाल कम्युनिष्ट पार्टीका प्रेम गुरुङ, संघिय समाजवादी फोरमका जिल्ला अध्यक्ष सुकेदव तमाङ, नयाँ शक्ति पार्टीका नारायण खत्री, निर्माण व्यवसायी सघंका अध्यक्ष बाबुराम श्रेष्ठ, जेष्ठ नागरिक सघंका जिल्ला अध्यक्ष मोहनलाल श्रेष्ठ, पत्रकार महासघंका गण्डक प्रदेश सदस्य कैलाश बाबु श्रेष्ठ, चेम्बर अफ कमर्सका बरिष्ठ उपाध्यक्ष कृष्ण प्रसाद ढकाल लगायतले मन्तव्य राखेका थिए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए