नरेन्द्र ढकाल/गोरखा
जेष्ठ १ गते । बुढीगण्डकी आयोजनामा मुआब्जा वितरणमा विभेद भएको सरोकारवालाहरुले बताएका छन् । गत वर्ष मुआब्जा वितरण भएका साबिकको घ्याच्चोक, भुम्लीचोक र दर्बुङ्गको दाँजोमा यस वर्ष वितरण हुन लागेको फुजेलमा झण्डै २ लाख कम मुआब्जा वितरण हुन लाग्यो भन्दै उनीहरुले विरोध जनाएका छन् । ‘यो अन्याय भयो, एउटै आयोजनामा दुईवटा दर कसरी हुन्छ’ बुढीगण्डकी आयोजना राष्ट्रिय सरोकार समितिका संयोजक हरेराम ढकालले भने ‘राज्यले जनतालाई थिचोमिचो पार्ने काम गरिरहेका छ ।
’यस अघि घर भएको कित्ताको ७ लाख ७३ हजार मुआब्जा दिएकोमा फुजेलमा ५ लाख २५ हजार वितरण गर्न लागिएको ढकालले आरोप लगाएका छन् । एउटै आयोजनाको लागि समान प्रकृतिको मुआब्जा वितरण गर्दा राज्यले दुईवटा निति बनाएर विभेद गरेको भन्दै उहाँले आयोजना र प्रशासन दुबै गम्भीर नभएको आरोप लगाएका छन ।
‘उहाँहरु हचुवाको भरमा काम गरिरहनु भएको जस्तो देखिन्छ, मुआब्जा वितरण जस्तो संवेदनशिल कुरामा खै गम्भिरता ?’ ढकालले प्रश्न गरे । फुजेलमा मुआब्जा वितरणका लागि भन्दै जिल्ला प्रशासनले गत साता १ अर्ब ५० करोड रकम राष्टिूय वाणिज्य बैङ्कमा अख्तियारी पठाईसकेको छ । ७ सय २ जना प्रभावितका लागि उक्त रकम वितरण गर्ने गरी राष्टिूय वाणिज्य बैङ्क शाखा कार्यालय गोरखाले धमाधम काम गरिरहेको छ ।
प्रभावितको खातामा रकम पठाईसकेको बैङ्क श्रोतले बताएको छ । कतिपय प्रभावितहरुले त रकम समेत बुझिसकेका छन् । तर अहिले सम्म प्रभावितले भने मुआब्जा रकम नबुझेको ढकालले दाबी गरे । गोरखा र धादिङ्गको सिमानामा बन्ने राष्ट्रिय गौरबको बुढिगण्डकी आयोजना निर्माणका लागि भन्दै सरकारले गत बर्ष देखी मुआब्जा बितरण गरेको हो ।