मोहसिन अलि मियाँ/गोरखा
बैशाख २० गते । करछली गरेको आशंकामा जिल्ला सरमुकाममा रहेका केही हार्डवेयर पसलहरुले कागजपत्र आन्तारिक राजस्व कार्यालयले नियन्त्रणमा लिएको छ । केही दिन अघि पोखराबाट आएको एक टोलीले पुनःनिर्माणको मौका छोपी व्यवसायीले कर छली गरेको हुन सक्ने आशंकामा पसलहरुमा छापा मारी करसँग सम्बन्धित खाता तथा अन्य कागजात नियन्त्रणमा लिएको हो ।

सदरमुकामको चाइनिजधारामा रहेको रोश्नी सप्लायर्स, कालिमाटीको मिनकाजी सेवा स्टोर्स र शाक्तिचोकको सत्यसाई हार्डवेयर लगायतबाट टोलीले कागजात नियन्त्रणमा लिएको आन्तरिक राजस्व कार्यालय स्रोत बताउछ । ‘सदरमुकाम सहित छेपेटारका निर्माण सामाग्रीका पसलहरुमा टोलीले छापा मारेको हो, ति सबैबाट करसंग सम्बन्धित सबै डकुमेन्ट र खातापाता लगेको भन्ने सुनिएकोछ, त्यसपछि के भयो जानकारी छैन’ गोरखा उधोग बाणिज्य संघका एक सदस्यले नाम नबताउने सर्तमा भने ।

निर्माण सामाग्रीमा कर छलि गरेको आशंकामा पोखरा कार्यालयबाट खटिएको बिशेष टोलीले हर्डवेयर पसलहरुबाट खातापाता सहित अन्य कागजात नियन्त्रणमा लिएपनि हालसम्म कुनै रिपोर्ट आएको जानकारी नभएको गोरखा उद्योग बाणिज्य संघले जनाएको छ । ‘केही पसलहरुमा छापा मार्यो भन्ने त सुनेको हो, पछि हामीले पनि बुझ्यौ, करसंग सम्बन्धित सबै डकुमेण्ड लैजानुभएको रहेछ, तर आजसम्म उताबाट कुनै रिपोर्ट आएको छैन’ संघका महासचिव राजुबाबु श्रेष्ठले भने ।

निर्माण सामाग्रीको मूल्य, ढुवानी र उपलब्धतालाई लिएर भूकम्प पिडितले बारम्बार गुनासो गरेपछि कर कार्यालयले टोली पठाएको हो । कार्यालय श्रोतले भने यो नियमित काम भएको बताएको छ । ‘हामीलाई त टोली आएर छापा मारेकै थाहा भएन, पछि मात्रै थाहा पाएका हौ, कुन कुन पसलहरुमा छापा मा¥यो भन्ने समेत हामीलाई एकिन छैन’ संघका महासिचव श्रेष्ठले भने ।

यता आफ्नो पसलमा टोलीले छापा मारेको पुष्टि गर्दै चाइनिज धारा स्थित रोश्नी सप्लायर्सका संचालक कृष्ण शाहले आफुहरुसंग सामान्य सोधपुछ मात्र गरेको दावी गर्छन् । ‘हाम्रोमा त्यस्तो खासै केही थिएन, सबै अपडेट नै छ, उहाहरु आउनुभयो, सोधपुछ गर्नुभयो, अनि खरिद बिक्रि खाता लैजानुभयो’ उनले भने ।

तर स्रोतको भनाई अनुसार कार्यालयले शाहको सप्लायर्सलाई केही दिनअघि नै दश हजार जरिवाना तोकिसकेको छ । शाहसँग प्रारम्भिक अनुसन्धानका क्रममा दश हजार जरिवाना गरेको कार्यालयले पछि जरिवाना रकम बढाउन सक्ने स्रोतको भनाई छ । तर कागजात नियन्त्रणमा लिएका सदरमुकामका अन्य दुई पसलहरुमा भने हालसम्म कुनै रिपोर्ट आएको छैन ।

जिल्लामा पुनःनिर्माणको मौका छोपेर हार्डवेयर पसलहरुले निर्माण सामाग्रीमा कालोबजारी र मनोमानी मुल्य बृद्धि गरेको भन्दै बेलाबखत सेवाग्राहीबाट गुनासो आउने गरेका थिए । त्यसक्रममा केही समय अघि जिल्ला प्रशासन कार्यालयको टोलीले समेत जिल्लाका हार्डवेयरहरुमा अनुगमन गरेको थियो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए