गोरखा समाचारदाता
जिल्लामा पहिलो पटक भएको राष्ट्रिय आर्थिक गणना २०७५ अन्र्तगत २५ प्रतिशत गणना सकिएको छ । हाल सम्म ११ वटै स्थानीय तहमा गरिएको गणनाका क्रममा काजगी प्रश्नावली तथा ट्यावलेट समेत गरी ३ हजार ३१३ इकाइको गणना गरिएको तथ्याङ्क कार्यालयका प्रमुख यज्ञमूर्ति भण्डारीले बताए । ‘साथीहरुले फिल्डमा तिब्रताका साथ काम गरिरहनुभएको छ, अहिले सम्म हामीले पहिलो चरणको नजिता पाएका छौ’ उनले भने ।
यसैगरी इ सेन्सस मार्फत २३ जनाको रजिस्ट्रेन सम्पन्न गरिएकोमा १० जनाको पुर्ण सम्पन्न भएको जिल्ला आर्थिक गणनाको कार्यालयले जानकारी दिएको छ । हाल सम्म ३ हजार ३ सय २३ प्रतिष्ठानको पुर्ण गणना समेत सम्पन्न भएको छ । ‘केन्द्रिय तथ्याङ्क बिभागको गरेको प्रक्षपण अनुसार गोरखा जिल्लामा १३ आर्थिक छन्, भन्ने अनुमान छ, त्यसलाई आधार मान्दा २५ प्रतिशत भन्दा बढि गणना भइसकेको छ’ भण्डारीले भने ।
जिल्लामा रहेका व्यापार, व्यवसाय, व्यक्ति एवं सघं सस्था, फर्महरु सबैको विवरण संकलन गरी सम्र्पूण आर्थिक मार्ग चित्र तयार गर्ने उदेश्यले गणना सुरु गरिएको हो । ‘११ वटै स्थानीय तहमा साथीहरु खटिनुभएको छ, हामीले पहिले फरक÷फरक रुपमा गणना गरी पछि एकिकृत गछौं’ उनले भने ।
केन्द्र प्रदेश र स्थानीय तहका सरकारहरुलाई योजना तर्जुमा र निति निर्माण गर्न तथ्याङ्कहरु उपलब्ध गराउने, राष्ट्रिय लेखा प्रणालीको सुदुढीकरण गर्न नेपाल सरकारलाई तथ्याङ्कहरु उपलब्ध गराउने, तथ्याङ्ककिय व्यवसायीक रजिस्ट्रर निर्माणका आधार खडा गर्न आर्थिक गणना गरिएको हो ।
‘यसका थुप्रै उदेश्यहरु छन्, देशको आर्थिक तथ्याङ्क भरपर्दो बनाउने राज्यको निति अनुसार गणना गरिएको हो’ भण्डारीले भने । बैशाख १ गतेबाट शुरु भएको गणना कार्य जेठ मसान्तमा सक्ने लक्ष्य छ । स्थलगत तथ्याङ्क संकलनका लागि जिल्ला सबै स्थानीय तहमा ३८ जना गणक र ५ जना सुपरिपेक्षकहरु खटिएको छन् ।
तथ्याङ्क ऐन २०१५ अनुसार व्यवसायीहरुले दिएको विवरण सबै गोप्प भएकाले गणकले मागेको जानकारी उपलब्ध गराउन भण्डारीले आग्रह गरेका छन् । यस गणनामा प्रतिष्ठानमा संग्लन जनशक्ति, रोजगारीको अवस्था पुँजी लगानी, आय व्ययकाका विवरण समेत गणना गर्ने सरकारको लक्ष्य छ ।
