गोरखा समाचारदाता
जिल्लाका विभिन्न ठाउँ गाउँपालिकामा रहेका ५ वटा गाउँघर क्लिनिकलाई फर्निचर सहयोग गरिएको छ ।
गुडनर्भस इन्टरनेशल नेपालको आर्थिक तथा प्राविधिक सहयोगमा पद्धति बिकास सेवा केन्द्रले सञ्चालन गरेको पुर्ननिर्माण परियोजना अन्तर्गत निर्मित ५ वटा गाउँघर क्लिनिकलाई कुल ४ लाख ८० हजार रुपयाँको फर्निचर सहयोग गरिएको पद्धति बिकास सेवा केन्द्रका भुपेन्द्र पोखरेलले जानकारी दिए ।
गुडनेर्भस इन्टरनेशनलका जिल्ला संयोजक द्रोण जिसिले आरुघाट गाउँपालिका वडा नम्बर ४ का अध्यक्ष नारायण ध्वज खड्कालाई २१ प्रकारका फर्निचर हस्तान्तरण गरेका हुन् । दराज, टेबल, बिरामी जाँच गर्ने बेड लगायतका विभिन्न सामाग्री रहेका छन् ।
सामाग्री बुझ्दै अध्यक्ष खड्काले ग्रामिण भेगका जनताका स्वास्थ्यका लागि गुडनेर्भस र पद्धतिले महत्वपुर्ण सहयोग गरेको भन्दै खुसी व्यक्त गरेका थिए ।
उक्त परियोजना अन्र्तगत पद्धतीले गोरखा नगरपालिका वडा नम्बर ४ आरुस्वाँरा, मान्बुको धोर्चेत, थुमी स्मामराङ, लापुको लापुगाउँ, आरुआवाङ कल्लेरी लगायतका स्थानमा गाउँघर क्लिनिक निर्माण गरेको छ ।
