गोरखा समाचारदाता
साधना लघुवित्त वित्तीय संस्था लिं केन्द्रीय कार्यालय गोरखाले आफ्ना कर्मचारीलाई अनुशिक्षण सम्पन्न गरेको छ । संस्थाले फिल्ड स्तरको कर्मचारीहरुलाइ २ दिने प्रथम चरणको अनुशिक्षण तालिम दिएको हो । लघुवित्तको आधारभूत अवधारणा, प्रभावकारी फिल्ड व्यवस्थापन, कर्मचारीहरुको लक्ष्य तथा प्रगतीको समिक्षा, क्षमता अभिवृद्धि गर्दै व्यवहारीक ज्ञान, सिप, कला तथा आत्मा विश्वास बृद्धि गर्ने उदेश्यले उक्त अनुशिक्षण तालिमकोे संचालन गरिएको संस्थाका प्रमुख कार्यकारी अधिकृत रेशम न्यौपानेले जानकारी दिएका छन् । १० जिल्ला कार्यक्षेत्र रहेको यस वित्तीय संस्थाको तालिममा २५ जनाको सहभागिता रहेको थियो ।
फिल्डको गुणस्तर वृद्धि ,गुणस्तरीय केन्द्रको गठन, प्रभावकारी समुह प्रवेश तालिम, मासिक केन्द्र वैठक व्यवस्थापन, गुणस्तर कर्जा विश्लेषण, कर्जा सदुपयोगिता, लेखा तथा सोफ्टवेयर व्यवस्थापनका साथै ग्राहक संरक्षण सम्वन्धी विषयमा तालिम दिइएको न्यौपानेको भनाई छ ।
तालिम समापन कार्यक्रममा सहभागिहरु मध्ये उत्कृष्ट कर्मचारीहरु क्रमशः रुपा अधिकारी, संगीता थापा, अलि अस्गर मिया, सोफिया ज्ञावाली, शोभा थापालाई पुरस्कृत तथा सम्मान समेत गरिएको थियो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए