चैत्र ४, २०७४ चितवन — कांग्रेसका वरिष्ठ नेता रामचन्द्र पौडेलले पार्टीमा जनताको मन जित्ने नेतृत्व आवश्यक भएको बताएका छन् ।
रत्ननगरमा आइतबारदेखि सुरू भएको नेपाल निजामति कर्मचारी युनियन (संघ)को सातौं अधिवेशन उद्घाटनमा पार्टी सभापति शेरबहादुर देउवातर्फ इंगित गर्दै पौडेलले पार्टी कब्जा गरेर मात्रै नहुने टिप्पणी गरेका हुन् । कांग्रेस निकै कमजोर भएको भन्दै उले ठूलै उपचार आवश्यक भएको बताए ।
दुई तिहाई मतको सरकार बनाएर अदालतदेखि संवैधानिक निकायसम्मलाई सरकारले तर्साउन थालेका कारण कांग्रेस बलियो नभए लोकतन्त्र नै धरापमा पर्ने उनले बताए ।
kantipurdaily
