नरेन्द्र ढकाल/गोरखा
माघ २२ गते । गोरखा उद्योग वाणिज्य सघंको अधिवेशसनले नयाँ नेतृत्व चयन गरेको छ । शनिवारबाट जिल्ला सदरमुकाममा सुरु भएको अधिवेशनले जिवनज्योति श्रेष्ठको अध्यक्षतामा नयाँ कार्यसमिति चयन गरेको हो । मुख्य शीर्ष पदमा एकल उम्मेदवारी परेपनि कोषाध्यक्ष, सचिव र सात कार्यसमिति सदस्यमा कडा चुनावी प्रतिस्पर्धाका बीच कार्यसमितिले पुर्णता पाएको छ ।
उद्योग वाणिज्य सघंका आगामी नेतृत्वका लागि भएको निर्वाचनबाट कोषाध्यक्षमा प्रकाशचन्द्र श्रेष्ठ ३२१ मत ल्याएर बिजयी भएका छन् । उनका निकटम् प्रतिस्पर्धी राजेन्द्र विश्वकर्माले १९४ मत ल्याएका छन् । त्यसैगरी सचिवमा अस्मकबाबु श्रेष्ठ बिजयी भएका छन् । ५५३ मत खसेकोमा श्रेष्ठले ४२० मत ल्याएका छन् । उनीसँग चुनावी प्रतिस्पर्धामा रहेका काजीराम श्रेष्ठ ६४ मत ल्याएका छन् ।
उनले निर्वाचन सुरु हुनु केही समय अघि अस्मकबाबुलाई समर्थन गरेका थिए । सात खुल्ला सदस्यका लागि भएको निर्वाचनमा गोबिन्द बहादुर गुरुङ्गले सबै भन्दा धेरै ४२३ मत ल्याएका छन् । यसैगरी बसन्तकुमार श्रेष्ठ ३८३, चन्दनबाबु खत्री ३६८, शरण श्रेष्ठ ३६३, मानकाजी श्रेष्ठ ३४५, बसन्त बस्नेत ३२६ र रामहरी केसीले ३१० मत ल्याएर बिजयी भएका छन् ।
सदस्यका उम्मेदवार पुस्कल अर्याल २६९, दिल कुमारी गुरुङ २२३, ओम बहादुर श्रेष्ठ १८३ र ज्ञानप्रसाद ढकालले १०६ मत ल्याएर पराजित भएको उद्योग वाणिज्य सघंका कार्यकारी सचिव दिपेन्द्र श्रेष्ठले जानकारी दिए । गोरखा उद्योग वाणिज्य संघमा गोरखा शाखा, पालुङटार, भच्चेक, मनकामना र आरुघाट ईकाइ गरी कुल ६०८ प्रतिनिधि छन् । जसमध्ये निर्वाचनमा ५५३ जनाले मतदान गरेका थिए । अधिकाशं र्शीष पदाधिकारीहरुमा सर्बसम्वत भएपनि सचिव, कोसाध्यक्ष र सदस्य पदहरुमा सहमती नभएपछि मतदान गरिएको हो ।
शनिवारबाट सुरु भएको सघंको १५ अधिबेसन तथा ४४ औं साधरण सभाबाट वरिष्ठ उपाध्यक्षमा कृष्णकुमार श्रेष्ठ, उपाध्यक्ष भगवानबाबु मास्के, महासचिवमा राजुबाबु श्रेष्ठ महिला सदस्यमा विष्णु मायाँ मास्के र वस्तुगत सदस्य कृष्ण बिश्वकर्मा सर्वसम्वत भइसकेका छन् । पूर्व अध्यक्ष विश्वदेव श्रेष्ठको नेतृत्वमा रहेको निर्वाचन मण्डलले आधिकारिक घोषणा गरेपनि नयाँ नेतृत्वको पदवाहाली भने केही दिन भित्र गर्ने सहमती भएको छ ।
अधिवेशनमा मतदान गरेर काठमाण्डौ जाँदै गरेका सघंको मनकामना ईकाइका अध्यक्ष राजकुमार श्रेष्ठ सहित उनका भाईको सवारी दुर्घटनामा परी मृत्यु भएका कारण केही दिन पछि मात्र नयाँ कार्यसमितीले पदभार ग्रहण गर्ने बताइएको छ ।
- व्यवसायीक हकहितका लागि लड्छु : श्रेष्ठ
गोरखा उद्योग वाणिज्य सघंका अध्यक्ष जिवनज्योति श्रेष्ठले पर्यटन प्रवद्र्धनमा विशेष जोड दिने बताएका छन् । १५ औं अधिवेशनबाट सर्बसम्वत चयन भएका श्रेष्ठले गोरखा समाचारसँग कुराकानी गर्दै जिल्लाको ऐतिहासिक धार्मिक, पर्यटकिय सम्भावनाका आधार निजि क्षेत्रले लगानी बढाउने बताए ।
‘मुख्य त जिल्लाको ऐतिहासिक धार्मिक पर्यटनलाई प्रर्वद्धन गर्ने मेरो योजना हुनेछ’ आफ्नो प्राथमिकताको क्षेत्रबारे जानकारी गराउँदै उनले भने । जिल्लाको व्यापार व्यवसायलाई बढवा दिदै व्यापारी व्यवसायीको हकहितलाई विशेष प्राथमिकतामा राखेर काम गर्ने उनको योजना छ ।
‘पहिलो कुरो त मेरो जिल्लाको व्यापार व्यवसाय उकास्ने तर्फ ध्यान हुनेछ, दोश्रो कुरा व्यापारीहरुको हकहितको लागि मेरो फोकस हुनेछ’ श्रेष्ठले भने । जिल्लाको विकासमा निजि क्षेत्रको ठुलो भुमिका हुने भन्दै उनले राज्यका सबै पक्षहरुसँग समन्वय गरेर काम गर्ने योजना सुनाए ।
‘म पहिले सबैसँग छलफल गर्छु अनि योजना बनाएर काम अगाडी बढाउँछु ।’उद्योगी व्यापारीहरुको छाता सस्था भएकाले सबैको हक हितका कुराहरुलाई विशेष जोड दिएर काम गर्ने उनले बताए ।
यस अघि वरिष्ठ उपाध्यक्ष भएर काम गर्नुभएका श्रेष्ठको बिरुद्धमा उम्मेदवारी नपरेपछि उनी सर्बसम्वत हुनभएको हो । स्थानीय तह बनेपछि गोरखा बजारको केही भविष्य के हुन्ने भन्ने हल्ला छ नी भन्ने हाम्रो जिज्ञासामा उनले भने ‘गोरखा ऐतिहासिक नगरी हो, अहिले नै आत्तिनु पर्दैन यहाँ थुपै्र सम्भावनाहरु छन्, हामी यहाँको व्यवसाय धरापमा पर्न दिदैनौं । ’