• कोषाध्यक्ष, सचिव र सदस्य पदमा मात्र निर्वाचन हुने

नरेन्द्र ढकाल/गोरखा
माघ १८ गते । गोरखा उद्योग बाणिज्य संघको अधिकाशं शीर्ष पदहरु सर्बसम्वत हुने देखिएको छ । आगामी माघ २१ गते आइतबार हुने निर्वाचनका लागि बुधवार गरिएको मनोनयमा अध्यक्ष, बरिष्ठ उपाध्यक्ष, उपाध्यक्ष र महासचिव लगायतका महत्वपुर्ण पदमा एकल उम्मेदवारी परेको निर्वाचन अधिकृत एवं पूर्व अध्यक्ष विश्वदेव श्रेष्ठले जानकारी दिए । ‘६ पदमा एकल उम्मेदवारी परेको छ यद्यपी प्रक्रिया बाँकी छ, यदी सो प्रक्रिया पार गर्नुभयो भने उहाँहरु सर्ब सम्वत चयन हुनुहुने छ ’ उनले भने ।

सघंको आगामी तिन वर्षे नेतृत्वका लागि हालका बरिष्ठ उपाध्यक्ष जिवनज्योति श्रेष्ठ अध्यक्ष, उपाध्यक्ष कृष्णकुमार श्रेष्ठ बरिष्ठ उपाध्यक्ष, महासचिव भगवानबाबु मास्के उपाध्यक्ष र कोषाध्यक्ष राजुबाबु श्रेष्ठको महासचिवमा एकल उम्मेदवारी परेको हो । यी सबै जनाको अघिल्लो कार्यकाल भन्दा एक पद बढुवा हुने भएका छन् । निर्वाचन समितिले बिहीबार बिहान १० बजे उम्मेदवारको अन्तिम नामावली प्रकाशन गर्दैछ ।

त्यसपछि दाबी बिरोध, उम्मेदवारी फिर्ता लगायतका प्रक्रिया पुरा गरेपछि साँझ ५ बजे उम्मेदवारको अन्तिम नामाबली प्रकाशन गर्ने कार्य तालिका छ । उक्त सबै प्रक्रिया पुरा गरे भने उनीहरु सर्ब सम्वत चयन हुनेछन् । ‘सबै प्रक्रिया पुरा नगरी उहाँहरुलाई निर्वाचन भन्न त मिलेन, उहाँहरुको एकल उम्मेदवारी परेको हो, आजको प्रक्रिया पुरा गरेपछि मात्र हामी सर्व सम्वत घोषणा गर्न सक्छौं’ निर्वाचन अधिकृत श्रेष्ठले भने ।

संघको महिला आरक्षण तर्फ विष्णुमायाँ मास्के र बस्तुगत सदस्य तर्फ सुनचाँदी व्यवसायी सघं गोरखाका अध्यक्ष कृष्ण बिश्र्वकर्माको पनि एकल उम्मेवारी परेको छ । कोषाध्यक्षमा २ जना प्रतिस्पर्धामा उत्रिने भएका छन् । हालका सचिव राजेन्द्र बिश्वकर्मा र सदस्य प्रकाशचन्द्र श्रेष्ठले कोषाध्यक्षमा उम्मेदवारी दिएका छन् । यसैगरी सचिवममा पनि २ जनाको उम्मेदवारी परेको छ ।

व्यवसायी अस्मकबाबु श्रेष्ठ र काजीराम श्रेष्ठले सचिवमा मनोनय दर्ता गराएका छन् । सदस्य तर्फको सात पदमा भने ११ जनाको उम्मेदवारी परेको छ । रामहरी के.सी, गोबिन्द बहादुर गुरुङ्ग, चन्दनबावु खत्री, ओम बहादुर श्रेष्ठ, बसन्त बस्नेत, मानकाजी श्रेष्ठ, शरण श्रेष्ठ, पुष्कल अर्याल, बसन्तकुमार श्रेष्ठ, ढिल कुमारी गुरुङ्ग र ज्ञान प्रसाद ढकालले सदस्य पदमा मनोनय दर्ता गराएका हुन् ।

यो सँगैको एक कोषाध्यक्ष, एक सचिव र ७ सदस्य सहित ९ पदमा १५ जनाको निर्वाचन हुने देखिन्छ । गोरखा उद्योग वाणिज्य सघं गोरखामा ५५८ जना सदस्य छन भने । वस्तुगत तर्फको सुनचाँदी व्यवसायी सघं, पालुंटार, भच्चेक, मनकामना, आरुघाट गरी कुल ६०८ जना प्रतिनिधिले निर्वाचनमा भाग लिने गोरखा उद्योग वाणिज्य सघं गोरखाले जानकारी दिएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए