मोहसिन अलि मियाँ/गोरखा
पुस ७ गते । हरमटारी क्लबले आयोजना गर्न लागेको प्रथम गोरखकाली मेला आजबाट सुरु हुदैछ । मेला आयाजनाको लागि सम्पूर्ण तयारी पुरा भएको क्लबले जानकारी दिएको छ । सदरमुकामको खेलकुद मैदानमा हुने मेलाको आज एक समारोहका बिच राष्ट्रिय योजना आयोगका उपाध्यक्ष डाक्टर स्वर्णिम वाग्लेले गर्ने आयोजकले बताएको छ । ‘हामीले सबै तयारी सक्यौ, अब आजबाट मेला सुरु हुदैछ’ क्लबका अध्यक्ष बिशाल गुरुङले भने ।
‘गोरखाको मौलिक संस्कार संस्कृतिको संरक्षण र प्रवद्र्धन पहिलो गोरखकाली मेलाको साँस्कृतिक अभियान’ भन्ने मुल नाराका साथ हुन लागेको मेला हुन लागेको हो । आज हुने मेलाको उद्घाटन समारोह भब्य बनाउने तयारी क्लबले गरेको जानकारी दिएको छ । ‘आज डाक्टर स्वर्णिम वाग्लेले मेला उद्घाटन गर्नुहुन्छ, उद्घाटना समारोहलाई भब्य बनाउदैछौ’ क्लबका अध्यक्ष गुरुङले भने ।
आजको उद्घाटन समारोह अघि ३५ भन्दा बढि आमा समुह, युवा क्लब, बाल क्लब, बिभिन्न सामाजिक संघसंस्थाको झाँकी सहितको ¥यालीले बजार परिक्रमा गर्ने आयोजकले बताएको छ । ¥यालीमा बिभिन्न धर्म संस्कृति र जातजातीका झाँकी, चुट्का, तामाङसेलो, पाङ्दुरे, भजनवालन, लाखे, पञ्चेवाजा, घाँटुका समुहले बजार परिक्रमा गर्नेछ । ¥याली खेलकुद मैदानबाट सुरु भइ हरमटारी, शक्तिचोक, बसपार्क, ठेलोआँगन हुदै पाटेचौर, हस्पिटलचोकबाट पुनः खेलकुद मैदानमा पुगेर टुङ्गिने आयोजक हरमटारी क्लबले जनाएको छ ।
मेला कै अवसरमा जिल्लामा लोपोन्मुख जातजातीको भेषभुषा समेत प्रदशनी गरिने आयोजकको तयारी छ । ‘हाम्रो यो मेलाको मुख्य उदेश्य नै लोपोन्मुख जातजातीको भाषा संस्कृती र भेषभुषाको संरक्षाण गर्ने र प्रचार प्रसार गर्ने हो’ क्लबका किरण ढकालले भने ।
आठ दिनसम्म चल्ने मेलामा उँटको समेत अवोलोकन गर्न पाइने ब्यवस्था समेत गरेको छ । त्यस्तै मेलाका अवोलोकनकर्ताले घोडामा चढेर बजारको अवोलोकन गर्न पाउने आयोजकले बताएको छ । त्यसका लागि रु एक सय, दुई सय, पाँच सय र एक हजारको प्याकेज निर्धारण गरिएको क्लबका ढकालले जानकारी दिएका छन् । ‘हामीले घोडा चढ्नका लागि ४ वटा प्याकेज ल्याएका छौ, एक सयले हरमटारीसम्म, दुई सयले जिविसचोकसम्म, पाँचसयले बसपार्कसम्म र एक हजारले संग्राहलयसम्म जान पाउने ब्यवस्था गरेका छौ’
मेलालाई भब्य बनाउन क्लबले हरमटारी क्षेत्रको सरसफाई गर्नुका साथै धजापतकाले समेत सजाएको छ । आज हुने उद्घाटन समारोहमा योजना आयोगका उपाध्यक्ष डाक्टर वाग्ले सहित बिभिन्न सरकारी तथा गैरसरकारी संघसंस्थाका प्रमुखहरुले सम्बोधन गर्ने आयोजकले बताएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए